53 tillögur að tilnefningum til umhverfisverðlauna Norðurlandaráðs 2026

Í ár bárust 69 tillögur sem skiptast á 53 verkefni og/eða einstaklinga. Tillögurnar 53 koma víðs vegar að af Norðurlöndunum og veita innsýn í þau grænu verkefni sem eru í gangi og tengjast þema ársins, þar sem sérstök áhersla er lögð á verkefni sem fræða börn og ungmenni.

Tillöguferli umhverfisverðlauna Norðurlandaráðs er opið öllum og þar er ríka áhersla lögð á opinbert og lýðræðislegt ferli. Hægt hefur verið að tilnefna bæði einstaklinga, verkefni, fyrirtæki og samtök sem vinna að sjálfbærari framtíð innan ramma þema ársins.

Tillögunar ná til samtaka, fyrirtækja og einstaklinga og spanna fjölbreytt svið: allt frá staðbundnum verkefnum sem kenna börnum að rækta eigin mat og endurheimta votlendi til landsáætlana um sjálfbærnimenntun og norrænna tengslaneta ungmenn sem hafa áhrif á loftslagsstefnu.

Tilkynnt verður hvaða tillögur hljóta tilnefningu hinn 24. júní á Suomi Arena í Finnlandi. Verðlaunin verða svo veitt við hátíðlega athöfn á þingi Norðurlandaráðs í Helsinki í október 2026. Verðlaunahafinn mun þar taka við verðlaunagripnum „Nordlys“ ásamt verðlaunafé sem nemur 300.000 dönskum krónum. Umhverfisverðlaunum Norðurlandaráðs er ætlað að beina athygli að nýju þema á hverju ári, og árið 2026 er sjónum sérstaklega beint að frumkvæði sem fræða börn og ungmenni um umhverfis- og loftslagsmál.