Á COP28 leggja Norðurlöndin enn ríkari áherslu á hlutverk lista og menningar í grænum umskiptum
Frá 1. til 11. desember verður norræni skálinn á COP28 vettvangur meira en 70 pallborðsumræðna, vinnustofa og skýrslukynninga. Í fyrsta sinn verða umræður og viðburðir sem snúast um listir og menningu hluti af dagskránni.
Öllum rökræðum og umræðum verður streymt beint á netinu fyrir öll sem vilja taka þátt, hvar sem þau eru stödd í heiminum.
Fréttir af loftslagsbreytingum: Blaðamennska á tvísýnum tímum
Pallborðsumræður: 6. desember, 17.15 til 18.00 (UTC+4)
Skýrsla Sameinuðu þjóðanna sýnir að rangar og villandi upplýsingar um loftslagsbreytingar standa í vegi fyrir grænum umskiptum. Óháð umhverfisblaðamennska er nauðsynleg til að rannsaka og miðla því hvernig loftslagsbreytingar hafa áhrif á samfélög okkar og plánetu og hvað við getum gert til að laga okkur að þeim.
Á þessum viðburði könnum við hlutverk blaðamanna, staðbundinna fjölmiðla og vísindamanna í umhverfismálum og þörfina á sameiginlegri stefnu um loftslagsbreytingar til að berjast gegn röngum og villandi upplýsingum um loftslagsmál.
Hlustið á reynslu ungra umhverfisblaðamanna og sérfræðinga UNESCO af baráttu gegn loftslagsvá og hvernig nýjar kynslóðir eru virkjaðar til þátttöku. UNESCO stendur einnig að þessum viðburði.
Erindi flytja: Gabriela Ramos frá UNESCO, Meral Jamal, sjálfstætt starfandi blaðamaður; Kristján Burgess, sérfræðingur í tjáningarfrelsi hjá UNESCO; Sara Tingström frá ungliðadeild WWF í Svíþjóð, Malene Nielsen frá UNESCO.
Engin umbreyting án ímyndunarafls: Máttur menningar og lista fyrir grænu umskiptin
Pallborðsumræður: 6. december, 18.15 til 19.00 (UTC+4)
Menning og listir eru mikilvægur þáttur í grænu umskiptunum. Sjónarhorn listamanna og skapandi fólks, sem og þekking þeirra á menningararfinum, býður upp á tækifæri og verkfæri til að skilja helstu áskoranir okkar tíma, svo sem loftslagsvandann.
Sköpunargáfa og ímyndunarafl eru nauðsynleg til að þróa nýstárlegar lausnir og tryggja réttláta umbreytingu.
Verið með okkur á þessum hvetjandi viðburði þar sem við skoðum og köfum djúpt ofan í tengsl menningar og loftslags.
Erindi flytja: Jessie Kleemann, gjörningalistamaður og skáld, Rodion Sulyandziga frá IWGIA; Gunn-Britt Retter frá Samaráðinu, Louise Lindén frá LiveGreen, Sweden; Solveig Korum frá Menningarráði Noregs.
Jessie Kleemann: Myndbandsverk í sýningarskálanum
Það er okkur sönn ánægja að tilkynna að myndbandsverkið „Arkhticós Dolorôs“ (Heimskautahörmung) eftir rómuðu listakonuna og skáldið Jessie Kleemann (Grænland/Danmörk) verður sýnt í norræna sýningarskálanum.
Myndbandsverkið verður sýnd daglega í fyrstu viku COP28 frá 1. til 6. desember kl. 13.00 til 13.30 (UTC+4).
Jessie Kleemann, sem var að ljúka við margverðlaunaða einkasýningu sína „Running Time“ í Listasafni Danmerkur, tekur einnig þátt í pallborðsumræðum um hlutverk listar í grænu umskiptunum.
Jessie er listakona og ljóðskáld frá Upernavik á Grænlandi. Hún býr nú og starfar í Kaupmannahöfn. Jessie hefur búið til myndbandsverk, höggmyndir, innsetningar og sviðsverk og leikið í hefðbundnum leiksýningum á Grænlandi.
