Norrænu ríkisstjórnirnar setja á fót nefnd til endurskoðunar á Helsingforssamningnum
Ráðherrarnir á fundi sínum í Kaupmannahöfn þann 18. febrúar 2026.
Greinin var uppfærð þann 16. apríl með nöfnum nefndarmanna.
Samstarfsráðherrar Norðurlanda ákváðu í dag, 16. mars 2026, að skipa nefnd til endurskoðunar á Helsingforssamningnum.
Helsingforssamningurinn skilgreinir rammann fyrir formlegt norrænt samstarf í Norðurlandaráði og Norrænu ráðherranefndinni.
Nefndin skal vinna tillögu að skýrum breytingum á texta Helsingforssamningsins og öðrum aðgerðum sem geta tryggt jafngilda þátttöku Færeyja, Grænlands og Álandseyja í norrænu samstarfi.
Nefndin samanstendur af átta fulltrúum sem hafa umboð til að tala fyrir hönd ríkisstjórna Danmerkur, Finnlands, Færeyja, Grænlands, Íslands, Noregs, Svíþjóðar og Álandseyja. Danmörk fer með formennsku í nefndinni í krafti sameiginlegrar formennsku sinnar og Færeyja í Norrænu ráðherranefndinni árið 2026.
Nefndarmenn eru:
- Vibeke Pasternak Jørgensen, skrifstofustjóri lagasviðs í utanríkisráðuneyti Danmerkur
- Maria Guseff, skrifstofustjóri ESB- og samningaréttar í lagadeild utanríkisráðuneytis Finnlands
- Elisabeth F. Rasmussen, forstöðumaður skrifstofu Færeyja gagnvart ESB, Færeyjum
- Maria Birkedal Olsen, lögfræðingur í forsætisráðuneyti Grænlands
- Anna Pála Sverrisdóttir, deildarstjóri laga- og stjórnsýsluskrifstofu í utanríkisráðuneyti Íslands
- Dr. Jørgen Sørgard Skjold, ráðgjafi í þjóðarétti í utanríkisráðuneyti Noregs
- Carina Mårtensson, fulltrúi Svíþjóðar í norrænu samstarfsnefndinni, yfirráðgjafi í utanríkisráðuneyti Svíþjóðar
- Niclas Slotte, fulltrúi Álandseyja í norrænu samstarfsnefndinni, deildarstjóri og yfirlögfræðingur í landsstjórnÁlandseyja
Helsingforssamningurinn
Helsingforssamningurinn var undirritaður árið 1962 og er lagalegur grundvöllur norræns samstarfs í Norrænu ráðherranefndinni og Norðurlandaráði. Samningnum var síðast breytt árið 1996 í tengslum við aðild Finnlands og Svíþjóðar að Evrópusambandinu. Dagurinn sem samningurinn var undirritaður, 23. mars, er haldinn hátíðlegur sem Dagur Norðurlanda.
