Borea Adventures, ferðaskrifstofa – Ísland

Fjallarefurinn, einnig nefndur heimskautarefur (Vulpes lagopus), er eina upprunalega landspendýrið á Íslandi. Hann gegnir mikilvægu hlutverki í íslenskri náttúru vegna þess að hann er eina rándýrið sem er til staðar á náttúrulegum forsendum. Ill meðferð fólks gegnum tíðina, tap á búsvæðum til rauðrefsins og loftslagsbreytingar leiða þó til þess að tilveru hans er verulega ógnað um allan heim. Með því að leggja áherslu á mikilvægi tegundarinnar fyrir vistkerfið á Íslandi og takast á við fordóma um að fjallarefurinn sé meindýr sem eyðileggur náttúruna vill Borea Adventures snúa almenningsálitinu á sveif með þessu litla rándýri.

Borea Adventures vinnur með vísindafólki frá Náttúrufræðistofnun og Melrakkasetri Íslands (The Arctic Fox Centre) til þess að tryggja að starfsemin fari fram bæði á faglegan og sjálfbæran hátt.

Borea Adventures sýnir með starfsemi sinni að verndun líffræðilegrar fjölbreytni og sjálfbær ferðamennska geta farið saman.