Samstarf við Eystrasaltsríkin hefur verið mikilvægur þáttur í starfsemi Norrænu ráðherranefndarinnar allt frá árinu 1991 og skrifstofur nefndarinnar í Eistlandi, Lettlandi og Litáen gegna þar lykilhlutverki.
Norrænt samstarf í austur og gegnum skrifstofurnar í Eystrasaltsríkjunum eru mikilvægur þáttur í alþjóðastarfi Norrænu ráðherranefndarinnar. Sameiginleg verkefni á ýmsum sviðum, svo sem í menningarmálum, orku- og umhverfismálum, stafvæðingu og heilbrigðismálum, rannsóknum og menntun, eru þróuð og útfærð í nánu samstarfi við baltnesku löndin. Seigla og viðbúnaður á öllum sviðum verður stöðugt mikilvægara á viðsjárverðum tímum í heiminum. Við vinnum að lýðræðislegri seiglu með því að styðja við lýðræðisþróun, tjáningarfrelsi, umræðum og virkri þátttöku ungs fólks.
Veittir eru styrkir til borgarasamfélagsins gegnum félagasamtök, meðal annars til áætlana eins og Prosperous Future og norrænnar fjölmiðlaáætlunar fyrir Belarus sem styrkir fjölmiðla sem starfa í útlegð. Þá eru leiðtogafundir ungs fólks frá Norðurlöndum og Eystrasaltsríkjunum skipulagðir og þróaðir áfram af ungmennaráðum landanna sem eru að festa sig í sessi sem mikilvægir umræðuvettvangar fyrir ungt fólk.
Samstarf Norðurlanda og Eystrasaltsríkja í 35 ár: Saman erum við sterkari
Í 35 ár hefur samstarf Norðurlanda og Eystrasaltsríkja byggst á trausti, gagnkvæmri virðingu og sameiginlegri trú á lýðræði, frið og stöðugleika. Þegar Norræna ráðherranefndin opnaði skrifstofur í Eystrasaltsríkjunum 1991 var hún meðal alþjóðlegra aðila sem fyrstir studdu endurheimt sjálfstæði landanna. Þannig varð til samstarf sem einkennist af samstöðu, samheldni og sameiginlegum markmiðum.
Allar götur siðan hefur samstarfið þróast og orðið eitt öflugasta og framsýnasta svæðissamstarf heims. Löndin vinna á fjölmörgum sviðum að menntun, uppbyggingu lýðræðis, heilbrigðismálum, orkumálum, nýsköpun og samfélagsöryggi.
Nú, þegar aukinn órói einkennir Evrópu og sótt er að lýðræðinu og þjóðarréttinum úr ýmsum áttum, er þetta samstarf mikilvægara en nokkru sinni. Traustið sem við höfum byggt upp í 35 ár og gildin sem liggja til grundvallar samstarfinu styrkja samfélög landanna og búa þau undir að takast á við sameiginlegar áskoranir.
Saman erum við sterkari
Skrifstofurnar í Eystrasaltsríkjunum munu gegna lykilhlutverki í starfsemi Norrænu ráðherranefndarinnar á þessum slóðum 2025-2027. Skrifstofurnar eru fulltrúar Norrænu ráðherranefndarinnar í Eystrasaltsríkjunum og gegna mikilvægu hlutverki við að koma á fót samstarfi og mynda tengslanet.
Skrifstofurnar samræma og eiga náið samstarf við norrænu sendiráðin í löndunum svo og norrænar stofnanir og fagsvið ráðherranefndarinnar.
Styrkjakerfi fyrir samstarf innan borgarasamfélagsins á Norðurlöndum og í Eystrasaltsríkjum.
Norrænt samstarf um stafvæðingu er samstarf ráðherra Norðurlanda og Eystrasaltsríkja. Markmið þess er að styrkja samkeppnishæfni svæðisins, stuðla að grænum umskiptum og tryggja inngildandi og örugga stafræna þróun. Yfirlit yfir forgangsmál, lykilskjöl, fréttir og verkefni.
Thomas Strømme
Aðalráðgjafi, alþjóðasamstarf
+45 60 39 42 77
Julia Wolman
Verkefnisstjóri, alþjóðasamstarf
+45 27 10 94 48
