Sjálfbærar borgir á Norðurlöndum

23.07.18 | Verkefni
Nordic sustainable cities
Ljósmyndari
Nordic Innovation
Ör stækkun borga hefur áhrif á milljónir manna um allan heim og felur í sér áskoranir á sviðum heilsu, öryggis og umhverfis. Þéttbýlismyndunin eykur alþjóðlega eftirspurn eftir lausnum í borgarrými. Verkefnið Sjálfbærar borgir á Norðurlöndum á að skapa norrænar lausnir fyrir sjálfbærar, aðlaðandi og snjallar borgir.

Upplýsingar

Dagsetning
01.01.2017 - 31.12.2019

Árið 2050 er gert ráð fyrir að 66% jarðarbúa eigi heima í borgum. Ellefta markmið áætlunar Sameinuðu þjóðanna um sjálfbæra þróun til ársins 2030 fjallar um að gera borgir og íbúðasvæði öllum mönnum auðnotuð, örugg, viðnámsþolin og sjálfbær.

Á Norðurlöndum getum við boðið hágæða borgalausnir sem byggja á norrænum styrkleikum, svo sem góðum stjórnarháttum, samstarfi hins opinbera og einkageirans, hefð fyrir hönnun og ríkri umhverfis- og félagsvitund, ásamt traustum tæknilausnum.

Flaggskipsverkefninu er ætlað að kynna umræddar lausnir á alþjóðlegum vettvangi með metnaðarfullri markaðssetningu, skapa samnorrænan útflutningsvettvang, koma á pólitísku samstarfi og mynda tengslanet. Aðgerðirnar eiga að greiða fyrir samstarfi norrænna hagsmunaaðila og fjölga útflutningstækifærum. Verkefnið verður unnið í nánu samstarfi við viðskiptaráð landanna, klasa og fyrirtæki.

Flaggskipsverkefnið byggir áfram á góðum árangri verkefnisins Nordic Built Cities, þar sem þróaðar voru  nýskapandi lausnir fyrir sjálfbært, snjallt og aðlaðandi borgarrými. Norræna nýsköpunarmiðstöðin hefur umsjón með verkefninu.

Nánari upplýsingar:

Hafið samband við:

Hans Fridberg aðalráðgjafa, [h.fridberg@nordicinnovation.org]