Ríkisborgararéttur á Álandseyjum

Álandseyjar eru hluti af Finnlandi og eru Álandseyingar finnskir ríkisborgarar. Því gilda sömu reglur um finnskan ríkisborgararétt á Álandseyjum og í Finnlandi. Hægt er að fá finnskt ríkisborgararétt sjálfkrafa við fæðingu með tilkynningu um ríkisfang eða umsókn til Migrationsverket. Til að fá ríkisborgararétt þarf oftast að hafa fasta búsetu í Finnlandi eða á Álandseyjum, fullnægjandi finnsku- eða sænskukunnáttu og óflekkað mannorð.

Nánari upplýsingar um finnskan ríkisborgararétt, hver geta sótt um eða tilkynnt um ríkisborgararétt og reglur um tvöfalt ríkisfang er að finna á síðunni „Finnskt ríkisfang“.

Á þjónustustað Migrationsverket er hægt að staðfesta auðkenni eftir innsendingu umsóknar um til dæmis finnskt ríkisfang, dvalarleyfi, ESB-skráningu, ferðaskilríki eða dvalarleyfiskort.

Migrationsverket er ekki með neina fasta starfsemi á Álandseyjum en tekur við tímabókunum með um sex til sjö vikna millibili á svæðisskrifstofu Álandseyja í Maríuhöfn. Einnig er hægt að fá þjónustu af einum af þjónustustöðum Migrationsverket á meginlandi Finnlands. Tímar eru bókaðir með tímabókunarþjónustu Migrationsverket. Nánari upplýsingar fást á vefsíðunni Migrationsverkets servicesställen (þjónustustaðir Migrationsverket).

Til að mega kjósa og bjóða sig fram í þingskosningum, stunda atvinnurekstur og eiga land eða fasteign á Álandseyjum þarf einstaklingur að hafa heimabyggðarrétt. Einstaklingar yngri en 18 ára hverra foreldrar hafa heimabyggðarrétt fá sjálfkrafa heimabyggðarrétt. Það þýðir að ef barn er með lögheimili á Álandseyjum við fæðingu og a.m.k. annað foreldra þess hefur heimabyggðarrétt fær það heimabyggðarrétt við fæðingu. Landsstjórn Álandseyja getur einnig veitt heimabyggðarrétt eftir umsókn. Til að geta sótt um heimabyggðarrétt þarf alltaf að hafa finnskt ríkisfang, búa á Álandseyjum og búa yfir fullnægjandi sænskukunnáttu. Nánari upplýsingar eru á síðunni „Álenskur heimabyggðarréttur“. 

Einstaklingar sem fæðast á Álandseyjum eða eru finnskir ríkisborgari sem fluttust til Álandseyja fyrir 12 ára aldur og njóta heimabyggðarréttar eru undanþegnir finnskri herskyldu.

Álandseyjar eru herlausar og hlutlausar. Það þýðir m.a. að herir mega ekki hafa viðveru á Álandseyjum og að halda verður Álandseyjum utan átaka í stríði. Samkvæmt hlutleysisstefnunni ber Finnlandi skylda til að verja Álandseyjar fyrir árásum. Nánari upplýsingar má finna á síðunni „Spurningar og svör um herleysi Álandseyja“. 

Á síðu Info Norden má finna upplýsingar um ríkisborgararétt í öðrum norrænum löndum og samskiptaupplýsingar þeirra stofnana sem geta svarað spurningum.