Norrænn vegvísir um innleiðingu sjálfbærs, kolefnishlutlauss eldsneytis í sjóflutningum
Seminar: Green shipping – Nordic actions to foster European and global zero emission
Hins vegar hefur norræna samstarfið skilgreint helstu hindranirnar fyrir grænum sjóflutningum: mikill kostnaður eldsneytis og tækni með engri losun, takmarkað framboð á slíku eldsneyti og nauðsynlegum innviðum fyrir eldsneytistöku, auk þess sem eldsneytistækni og öryggisreglugerðir eru enn skammt á veg komnar. Til að yfirstíga þessar hindranir þarf samstillt átak og þess vegna hafa sjóflutningar án losunar orðið að forgangsverkefni Norðurlanda.
Annar fasi Norræna vegvísisins um innleiðingu sjálfbærs, kolefnishlutlauss eldsneytis í sjóflutningum byggir ofan á þá þekkingu sem fyrir er og breytir henni í áþreifanlegar aðgerðir. Hann styður bæði við kolefnisminnkun skipa og þróun innviða í landi fyrir sjálfbært eldsneyti. Að áætluninni koma hagsmunaaðilar frá Norðurlöndum, en áætlunin bætir tengingar á hafi við nágrannasvæði og greinir sérstakar aðstæður svæðisins, svo sem ísilagðan sjó yfir veturinn.
Áherslusvið
- Að styðja við framkvæmd og innleiðingu fyrstu grænu siglingaleiðanna á Norðurlöndum.
- Að tryggja örugga starfsemi hafna og eldsneytistöku fyrir sjálfbært kolefnislaust eldsneyti.
- Að viðhalda og efla norrænan vettvang um samstarf í grænum umskiptum í skipasiglingum.
- Að halda áfram þróun norrænnar vogar um græn umskipti í skipasiglingum til að fylgjast með framvindu og leiðbeina við ákvarðanatöku.
Með þessari áætlun taka Norðurlönd markviss skref í átt að afkolun norrænna sjóflutninga og tryggja að grænn skipasiglingaiðnaður á Norðurlöndum verði áfram samkeppnishæfur og verði tilbúinn fyrir framtíðina.
