Benedikt Erlingsson og Friðrik Þór Friðriksson hlutu Kvikmyndaverðlaun Norðurlandaráðs fyrir myndina „Hross í oss“
![Benedikt Erlingsson och Friðrik Þór Friðriksson](/sites/default/files/styles/content_size_800/public/images/Benedikt%2520Erlingsson%2520och%2520Fri%25C3%25B0rik%2520%25C3%259E%25C3%25B3r%2520Fri%25C3%25B0riksson470649.jpeg?itok=n8BcWSM3)
Kvikmyndaverðlaun Norðurlandaráðs nema 350 þúsundum danskra króna. Þau voru afhent af verðlaunahafa síðasta árs, Sisse Graum Jørgensen, í ráðhúsinu í Stokkhólmi. Hún las jafnframt upp rökstuðning dómnefndarinnar:
Rökstuðningur
„Hross í oss“ er sérlega frumleg mynd með rætur í kjarnyrtum húmor Íslendingasagnanna. Hún fjallar um um þau sterku bönd sem eru á milli manna og náttúrunnar. Kjarni samtvinnaðra frásagna myndarinnar er eilíf barátta mannsins við að beisla náttúruna og hvernig það misheppnast á aumkunarverðan hátt, oft með hrikalegum afleiðingum.
Leikstjórinn hefur djúpan skilning á frumkröftum hrossa og manna. Með því að nota augnaráð skepnu sem eitt helsta sjónarhornið til að endurspegla grátbroslega hegðun manna fær „Hross í oss“ sérstæðan ljóðrænan blæ en líka svartan, spaugsaman tón.
Benedikt Erlingsson leikstjóri fléttar saman kraftmikið myndmál, klippingu og tónlist þannig að myndin sjálf verður eins og náttúruafl.