Atvinnuleit í Danmörku

Þegar þú leitar að atvinnu í Damörku geturðu skráð þig í atvinnuleit á jobnet.dk. Þar geturðu skráð þig í atvinnuleit, lesið atvinnuauglýsingar og vistað ferilskrá.

Vefurinn workindenmark.dk er ætlaður útlendingum sem leita sér að vinnu í Danmörku. Nánari upplýsingar um atvinnuleit í Danmörku eru á borger.dk.

Einnig veita stéttarfélög í hverri grein frekari upplýsingar.

Í atvinnuleit í Danmörku á bótum frá heimalandinu

Ef þú færð atvinnuleysisbætur í öðru norrænu landi eða ESB- eða EES-landi, geturðu sótt um bótagreiðslur í þrjá mánuði á meðan þú leitar að atvinnu í Danmörku. Nánari upplýsingar undir yfirskriftinni „Geturðu fengið atvinnuleysisbætur frá öðru norrænu landi á meðan þú ert í atvinnuleit í Danmörku?“ á vefsíðu Info Norden um atvinnuleysisbætur í Danmörku.

Nánari upplýsingar veita yfirvöld sem greiða bætur í landinu þar sem þú ert í atvinnuleysistryggingasjóði.

Nordjobb er úrræði fyrir ungt fólk á aldrinum 18 til 30 ára sem langar til þess að vinna í öðru norrænu landi í nokkra mánuði. Nordjobb tengir ungt fólk við atvinnuveitendur á Norðurlöndum auk þess að aðstoða við að finna húsnæði og skipuleggja menningardagskrá í tengslum við dvölina.

Norræn starfsmannaskipti veita ríkisstarfsmönnum tækifæri til þess að öðlast þekkingu á stjórnsýslu í öðru norrænu ríki (eða ríkjum) en heimalandinu. Hvert land sér um að úthluta og greiða styrki vegna starfsmannaskipta. Því þurfa umsækjendur að snúa sér til tengiliða í viðkomandi landi.