Norræna menningarefndin vill styðja kvikmyndagerð og ungt fólk á Norðurskautssvæðinu.
Nefndin hvetur Norrænu ráðherranefndina til þess að veita verkefninu Stories From the Ice fjárstuðning árin 2019-2021. Markmiðið með verkefninu er að mennta og styrkja fjárhagslega nýja kynslóð kvikmyndagerðarfólks á Norðurskautssvæðinu. Samíska kvikmyndastofnunin, ISFI, á frumkvæðið að verkefninu.
„Kvikmyndaverkefnið Stories From the Ice er vettvangur fyrir frásagnir ungs fólks og vekur athygli á afleiðingum loftslagsbreytinga á Norðurskautssvæðinu,“ segir Johanna Karimäki, formaður þekkingar- og menningarnefndarinnar.
Ákvörðun nefndarinnar var tekin á fundi í Stokkhólmi 24. janúar. Málið fer til áframhaldandi meðferðar í Norðurlandaráði og mun það taka afstöðu til þess á svokölluðu þemaþingi sem haldið verður 9.-10. apríl á Akureyri. Norræna ráðherranefndin á lokaorðið um það hvort styrkur verður veittur.
Tillagan kom upphaflega frá flokkahópi jafnaðarmanna í Norðurlandaráði.