Stéttarfélög á Álandseyjum

Stéttarfélög og atvinnuleysistryggingasjóðir eru tvö aðskilin kerfi. Stéttarfélög bjóða launþegum upp á ýmsa þjónustu, ráðgjöf og fræðslu og taka þátt kjarasamningaviðræðum. Ef þú átt aðild að atvinnuleysistryggingasjóði getur þú sótt um tekjutengda dagpeninga ef þú verður atvinnulaus.

Nánari upplýsingar um stéttarfélög er að finna á síðunni „Stéttarfélög í Finnlandi“.

Í Finnlandi og á Álandseyjum eru um 80 stéttarfélög sem tilheyra þremur yfirsamtökum: Samtökum finnskra stéttarfélaga (Finlands fackförbunds centralorganisation, FFC), samtökum sérhæfðs starfsfólks (STTK) og samtökum háskólamenntaðra (Akava). Stéttarfélög vinna í þágu meðlima sinna og eru fulltrúar launþega í ýmsum málum sem snerta laun og starfskjör. Stéttarfélög veita einnig gagnlega þjónustu og aðstoð við erfiðar aðstæður. 

Á vinnustöðum er trúnaðarmaður fulltrúi stéttarfélagsins og meðlima þess. Trúnaðarmenn gegna hlutverki samningamanns, sáttasemjara og upplýsingamiðlara milli vinnuveitenda og starfsmanna. Þeir veita einnig aðstoð í tengslum við kjarasamninga.

Fulltrúar finnsku yfirsamtakanna og aðildarfélaga þeirra eru á Álandseyjum. Upplýsingar og samskiptaupplýsingar þeirra stéttarfélaga sem hafa starfsemi á Álandseyjum er að finna á vefsvæðum þeirra.

Í Finnlandi eru alls 13 atvinnuleysistryggingasjóðir og geta einstaklingar átt aðild að þeim í gegnum stéttarfélag eða á eigin vegum. Á vefsíðu samtaka atvinnuleysistryggingasjóða (TYJ) má finna upplýsingar um aðild og hvaða atvinnuleysistryggingasjóði er hægt að ganga í.

Hægt er að sækja um aðild sem launþegi eða sjálfstætt starfandi einstaklingur. Við flutning til Finnlands frá öðru ESB-/EES-landi er í takmarkaðan hægt að ganga í atvinnuleysistryggingasjóð án atvinnu. Einstaklingar sem eiga aðild að atvinnuleysistryggingasjóði greiða aðildargjald og geta sótt um tekjutengda dagpeninga frá sjóðnum ef þeir verð atvinnulausir. Bæturnar eru byggðar á fyrri launum.

Tekjutengdir dagpeningar eru hærri en grunndagpeningar sem greiddir eru af Miðstöð vinnumarkaðar og námsaðstoðar á Álandseyjum (AMS). Það getur því komið sér vel að eiga aðild að atvinnuleysistryggingasjóði. Til að fá tekjutengda dagpeninga þarf að uppfylla tiltekin skilyrði. Nánari upplýsingar um skilyrði fyrir atvinnuleysisbótum er að finna á síðu Info Norden um atvinnuleysisbætur á Álandseyjum.

Stofnun umboðsmanns á Álandseyjum og umboðsmaður gegn mismunun gefa ráðgjöf og aðstoð mismunun til að einstaklingar verði ekki fyrir mismunun á vinnustað. Einnig er hægt að tilkynna um mismunun eða hafa samband við umboðsmann jafnréttis í Finnlandi, umboðsmann gegn mismunun í Finnlandi eða vinnuverndardeild leyfis- og eftirlitsstofnunarinnar (Tillstånds- och tillsynsverket). Nánari upplýsingar er að finna á vef stofnunar umboðsmanns á Álandseyjum.

Á vefsíðum Info Norden má finna upplýsingar um stéttarfélög annars staðar á Norðurlöndum og þær stofnanir sem leita skal til vegna spurninga.