Um norrænt samstarf á sviði dómsmála

Samstarf norrænu ríkisstjórnanna á sviði dómsmála fer eftirleiðis fram á vegum norrænu dómsmálaráðherranna sem mynda Norrænu ráðherranefndina um dómsmál (MR-JUST).

Dómsmálaráðherrarnir koma saman einu sinni á ári þar sem þau ræða og taka sameiginlegar ákvarðanir um löggjafarmál þegar norrænt samstarf felur í sér meiri ávinning en ella – það sem kallað er norrænn ávinningur. Dómsmálaráðherrarnir njóta liðsinnis embættismannanefndar.

Embættismannanefndin um dómsmál (EK-JUST) er skipuð fulltrúum allra Norðurlanda og fundar að minnsta kosti þrisvar á ári. Nefndin stýrir daglegu starfi og undirbýr ráðherrafundina.

Skrifstofa Norrænu ráðherranefndarinnar í Kaupmannahöfn annast daglegan rekstur samstarfs norrænu ríkisstjórnanna. Skrifstofan sér einnig um að framfylgja ákvörðunum sem teknar eru innan samstarfsins og hrinda þeim í framkvæmd.

Norrænu dómsmálaráðherrarnir funda einnig með starfssystkinum sínum frá Eistlandi, Lettlandi og Litáen um það bil annað hvert ár og ræða sameiginleg forgangsmál. Norrænt-baltneskt samstarf embættismanna á sér einnig stað í Norræna-baltneska samráðshópnum (NBCG).

Markmið og framtíðarsýn

Norræna samstarfið um dómsmál fer fram innan almenns pólitísks ramma sem dómsmálaráðherrarnir hafa samþykkt í samstarfsáætlun sinni. Auk samstarfsáætlunarinnar er að finna tiltekin verkefni og markmið í formennskuáætlunum til eins árs í senn.