Dagur Norðurlanda - sjálfbærni og brúarsmíð
Ísland - heimsmarkmiðin og blátt haf
Á föstudeginum verður megináhersla lögð á það hvernig nýting auðlinda hafsins getur verið sjálfbær á Norðurlöndum. Á viðburðinum verður meðal annars boðið upp á innsýn í þá áskorun sem plastið í hafinu er. Í íslensku formennskunni í Norrænu ráðherranefndinni er sérstök áhersla lögð á heimsmarkmiðin og blátt haf.
Staður og stund: Föstudaginn 22.03 kl. 09.00 til 12.00 í Norræna húsinu í Reykjavík
Nánari upplýsingar
Á laugardeginum verður haldið upp á 100 ára afmæli Norræna félagsins. Rithöfundurinn Kristín Eiríksdóttir sem tilnefnd er til bókmenntaverðlauna Norðurlandaráðs 2019 les upp úr bók sinni og rætt verður um norrænt samstarf.
Staður og stund: Laugardaginn 23. mars kl. 15.00 til 17.00 í Norræna húsinu í Reykjavík
Finnland - Norðurlönd sem brúarsmiðir
Norrænu sendiherrarnir í Danmörku taka púlsinn á norrænu samstarfi í heimi sem stefnir ekki í átt til einföldunar. Nýi framkvæmdastjóri Norrænu ráðherranefndarinnar, Paula Lehtomäki, býður í kjölfarið til samstarfsnets.
Staður og stund: Norðurlandahúsið í Kaupmannahöfn 22. mars, kl. 14.00 il 15.30. Viðburðinum verður streymt
Danmörk - Norðurlönd í flóknum heimi
Norrænu sendiherrarnir í Danmörku taka púlsinn á norrænu samstarfi í heimi sem stefnir ekki í átt til einföldunar. Nýi framkvæmdastjóri Norrænu ráðherranefndarinnar, Paula Lehtomäki, býður í kjölfarið til samstarfsnets.
- Staður og stund: Norðurlandahúsið í Kaupmannahöfn 22. mars, kl. 14.00 il 15.30.
Grænland - höggmyndir úr snjó og norrænt samstarf
Á Grænlandi er haldið upp á Dag Norðurlanda í samstarfi við Snjóhöggmyndahátíðina í Nuuk. Norrænir listamenn munu keppa í því að búa til höggmyndir úr snjó. Tilgangur hátíðarinnar er að stefna saman margbreytileika, sköpun og gleði, segja forsvarsmenn Snjóhöggmyndahátíðarinnar í Nuuk.
- Staður og stund: Við gömlu Atlant-höfnina 22. mars, kl. 13.00 til 16.00.
Alþjóðlegt – deildu þínum #TracesofNorth
Til er sérstakur norrænn hugsunarháttur og sýn á heiminn sem hefur markað spor um allan heim – við köllum þetta Traces of North. Á Degi Norðurlanda ýtir Norræna ráðherranefndin úr vör alþjóðlegu kynningarverkefni sínu, The Nordics, en þetta er herferð á samfélagsmiðlum þar sem við bjóðum öllum að deila norrænum sögum undir myllumerkinu #TracesofNorth.
