Forseti Norðurlandaráðs: Grænland gegnir lykilhlutverki í norrænu samstarfi
Forseti Norðurlandaráðs tók þátt í 40 ára afmælisfögnuði Vestnorræna ráðsins í Ilulissat.
Þetta segir Heléne Björklund, forseti Norðurlandaráðs, sem heimsótti Grænland í fyrsta sinn í vikunni.
Í Ilulissat tók hún þátt í ársfundi Vestnorræna ráðsins, þar sem 40 ára afmælinu var fagnað en jafnframt fjögurra áratuga nánu samstarfi ráðanna tveggja.
Á meðan á heimsókninni stóð fóru einnig fram nokkrir fundir, bæði í Ilulissat og Nuuk. Björklund heimsótti meðal annars grunnskóla í Ilulissat auk þess sem Brian Jensen, sjóliðsforingi hjá norðurslóðadeild danska sjóhersins, fór yfir stöðu mála varðandi öryggismál og framtíðaráskoranir.
Norðurlandaráð hefur margoft ítrekað eindreginn stuðning sinn við grænlensku þjóðina og skilyrðislausan og ófrávíkjanlegan rétt hennar til yfirráða yfir eigin landi og framtíð. Jafnframt vill ráðið efla þátttöku Álandseyja, Færeyja og Grænlands í norrænu samstarfi.
Norðurlandaráð hefur á undanförnum árum beint sjónum sínum í vaxandi mæli að norðurslóðum. Í október tekur ráðið þátt í Arctic Circle Assembly í Reykjavík í nánu samráði við Vestnorræna ráðið.
Heléne Björklund i møtet med Vestnordisk Råd.
Forseti Norðurlandaráðs tók þátt í fundi og 40 ára afmælisfögnuði Vestnorræna ráðsins í Ilulissat.
Yfirlýsing forsætisnefndar Norðurlandaráðs um Grænland frá 31. mars 2025
Á norrænum leiðtogafundi í Helsinki í mars lýsti forsætisnefnd Norðurlandaráðs yfir eindregnum og skilyrðislausum stuðningi við grænlensku þjóðina og ófrávíkjanlegan rétt hennar til yfirráða yfir eigin landi og framtíð.
