Norðurlönd marka stefnu á sviði gervigreindar – með áherslu á menntun og rannsóknir
Hins vegar eigum við að einbeita okkur að því að byggja upp lýðræðisleg og réttlát samfélög þar sem tækifæri gervigreindarinnar eru nýtt með réttum hætti og stefna að því áfram verði stundaðar rannsóknir á sviði gervigreindar á Norðurlöndum.
Þegar kemur að siðferðilegum viðmiðum erum við á Norðurlöndum á einu máli og þess vegna getum við byggt upp lýðræðisleg og réttlát samfélög með því að nýta gervigreind með skynsamlegum hætti, til dæmis með sameiginlegum siðferðilegum viðmiðum og reglum. Tækniþróun, og sérstaklega hröð þróun gervigreindar, reynir á stjórnmálin. Við þurfum að hafa hraðar hendur og hugsa fram í tímann svo Norðurlönd verði í fararbroddi.
Ministerne mødtes i Helsinki og drøftede blandt andet AI-udviklingen
Ráðherrarnir komu saman í Helsinki og ræddu meðal annars þróun gervigreindar
Ráðherrarnir eru sammála um að tækifæri séu fólgin í gervigreindinni en einnig að henni fylgi áskoranir fyrir menntakerfin, annaðhvort vegna rangrar notkunar á tækninni eða skorts á hæfni.
Forsendur
· Þekkingar- og hæfnigjáin. Efla má bæði grunnfærni meðal almennings og sérhæfða þekkingu í gervigreindarrannsóknum. Það nægir ekki að þróa nýja tækni heldur þarf að tryggja að menntakerfið í heild skilji, noti og þrói tæknina áfram með ábyrgum hætti og að Norðurlönd verði áfram eftirsóknarvert svæði fyrir rannsóknir á sviði gervigreindar.
· Símenntun hefur aldrei verið mikilvægari. Við þurfum sveigjanlegar, aðgengilegar og viðeigandi leiðir til endurmenntunar til þess að vinnuaflið geti fylgt tækniþróuninni, einnig á sviði gervigreindar.
· Rannsóknarumhverfi á Norðurlöndum og öflugt vistkerfi. Við þurfum aukið samstarf þvert á rannsóknarumhverfi og sem svæði eigum við að þróa lausnir sem tryggja ábyrga þróun gervigreindar. Jafnframt þarf að skapa aðstæður þar sem sprotafyrirtæki og atvinnulíf getur dafnað og boðið spennandi tækifæri fyrir sívaxandi hóp hæfileikafólks sem kýs að koma hingað.
Saman erum við sterkari. Við eigum að vera sjálfum okkur nóg um gervigreindarlausnir og þróa lausnir sem ná þvert á svið og laða hingað alþjóðlega sérfræðinga. Við eigum að byggja á okkar norrænu gildum og sérstöðu. Við þurfum að vinna saman og leggja áherslu á þau sjónarmið okkar að gervigreindin eigi að þjóna fólki og lýðræðinu, einnig í evrópsku samstarfi. Þannig á sameiginleg rödd okkar að hljóma því þar liggur styrkur okkar.
Norðurlönd sem drifkraftur – ekki farþegar
Umræður ráðherranna endurspegluðu vaxandi áherslu á notkun gervigreindar í tengslum við kennslu og rannsóknir. Gervigreind getur orðið mikilvægt verkfæri þegar kemur að því að mæta hæfniþörf framtíðarinnar.
Á Norðurlöndum höfum við einstakan grunn til að byggja á. Stafræn færni er mikil, velferðarkerfin eru sterk og samstarf hins opinbera og einkaaðila öflugt. En það nægir ekki að vera öflug heima fyrir. Við þurfum að samhæfa okkur betur innan svæðisins, sérstaklega með tilliti til nýrra reglugerða ESB og alþjóðlegrar samkeppni.
Þess vegna skiptir tillagan um að koma á fót norrænni-baltneskri miðstöð um gervigreind miklu máli. Tillagan er nú til umræðu og snýst um sameiginlegt átak þar sem aðilar innan landanna fá aukna getu til að efla notkun gervigreindar, móta stefnu og leysa úr sameiginlegum áskorunum. Miðstöðin myndi stuðla að beinu samstarfi á milli norrænu landanna.
Framtíðin mótast ekki aðeins af tækninni heldir þeim ákvörðunum sem við tökum
Gríðarlega mikið er fjárfest í rannsóknum á sviði gervigreindar og ofurtölvum á borð við LUMI. Á Norðurlöndum er rík hefð fyrir samvinnu, tækniframförum og ábyrgð og við höfum allar forsendur til þess að verða leiðandi á sviði gervigreindar. En það krefst þess að teknar verði meðvitaðar ákvarðanir þar að lútandi og að við spyrjum okkur að því til hvers við ætlum að nota gervigreind. Þörf er á skýrum reglum, sameiginlegum siðferðilegum viðmiðum og menntun sem tryggir að enginn sitji eftir, að ungt fólk, kennarar og sérfræðingar fái aðgang að nauðsynlegri þekkingu og verkfærum. Einnig verður að hjálpa vinnuaflinu að fylgja þróuninni með viðeigandi framboði á endurmenntun.
Gervigreind má ekki verða eitthvað sem aðeins sumir nota, hún á að vera eitthvað sem allir skilja og geta notfært sér. Menntun og rannsóknir eru öflugustu tækin sem við eigum til að tryggja slíka framtíð og gera okkur að svæði sem nýtir gervigreind með ábyrgum hætti.
Nánar
Sekretarietet informerer med Karen Ellemann i spidsen og Petar Cavala.
Karen Ellemann og Petar Cavala fara yfir stöðuna fyrir hönd skrifstofunnar.
