Raddir ungs fólks heyrast vel á COP29

Ungmennaráð um loftslagsmál, kröfur og væntingar til viðræðnanna, hringborðsumræður, miðlun á reynslu úr stjórnmálum eru á meðal þess sem norræn ungmenni munu vekja athygli á þegar þau taka til orðs á loftslagsviðræðum Sameinuðu þjóðanna í Bakú. 

„Það er erfitt fyrir ungmenni að fá aðgang að loftlagsviðræðunum. Þegar við komumst að er megináherslan lögð þekkingarmiðlun, hliðarviðburði og stefnumótun milli landanna,“ segir Lise Coermann Nygaard, fulltrúi ungs fólks í umhverfis- og loftslagsmálum hjá Sameinuðu þjóðunum fyrir Danmörku.

Norræni skálinn gefur ungmennum frá Norðurlöndum og öðrum löndum heims vettvang til að setja eigin mál á dagskrá og ræða svæðisbundnar og alþjóðlegar áskoranir í loftlagsmálum. Með sínum tíu viðburðum eru norræn ungmenni áberandi í dagskrá Norræna skálans, sem verður einnig vettvangur viðburða háskóla, rannsóknarstofnana, félagasamtaka og norrænna ríkisstjórna.

Miðvikudaginn 13. nóvember 13.15-14.00 UTC+4 kynna evrópskir fulltrúar ungmenna kröfur sínar og væntingar til viðræðnanna. Klukkan 16.00 UTC+4 sama dag segja fulltrúar ungmenna frá Finnlandi, Planetary Health Alliance Western Africa og YOUNGO frá vonum sínum og óskum fyrir viðræðurnar. 

Fimmtudaginn 21. nóvember kl. 9.30-10.15 UTC+4 bjóða norskir og danskir fulltrúar ungmenna til umræðna um hvernig bregðast skuli við bæði loftlags- og náttúruvandanum og kl. 14.30 UTC+4 verður staða loftslagsaðgerðasinna í heiminum skoðuð. 

Á síðasta degi viðræðnanna, föstudaginn 22. nóvember kl. 13.15 UTC+4, fara fram hringborðsumræður ungmenna um niðurstöður viðræðnanna og veginn að COP30 árið 2025.

Ekki missa af viðburðum ungmennanna í Norræna skálanum í Bakú. Öllum viðburðum er streymt á norden.org.