Tilnefningar til kvikmyndaverðlauna Norðurlandaráðs 2020

18.08.20 | Fréttir
Filmpris - Foto til nyhet
Photographer
norden.org
Hvaða kvikmyndir eru tilnefndar til kvikmyndaverðlauna Norðurlandaráðs í ár? Dómnefndir landanna hafa tilnefnt fimm norrænar kvikmyndir; fjórar leiknar myndir og eina heimildarmynd. Á meðal þeirra tilnefndu eru þrír kvikmyndagerðarmenn sem áður hafa hlotið tilnefningu. Kvikmyndirnar sem tilnefndar eru verða kynntar á þriðjudagskvöld við opnun viðburðarins „New Nordic Films“ á norsku kvikmyndahátíðinni í Haugesund í Noregi.

Frá árinu 2002 hafa kvikmyndaverðlaunin verið veitt kvikmyndum í fullri lengd sem eiga rætur í norrænni menningu og hafa mikið listrænt gildi. Hér eru tilnefningar til kvikmyndaverðlauna Norðurlandaráðs 2020:

DANMÖRK

FINNLAND

ÍSLAND

NOREGUR

SVÍÞJÓÐ

Verðlaunahafinn verður kynntur þann 27. október (uppfært 15. október)

Handhafi kvikmyndaverðlauna Norðurlandaráð verður kynntur þann 27. október í sérstökum sjónvarpsþætti sem verður sendur út á öllum Norðurlöndum. COVID-19 kom í veg fyrir afhendingu verðlaunanna á Íslandi en þess í stað verður stafræn verðlaunahátíð haldin þegar tilkynnt verður hverjir hljóta hin fimm verðlaun Norðurlandaráðs..

Verðlaunahafinn hlýtur verðlaunagripinn Norðurljós auk verðlaunafjár sem nemur 350 þúsundum danskra króna og skipta handritshöfundur, leikstjóri og framleiðandi upphæðinni á milli sín, sem undirstrikar að kvikmyndagerð sem listgrein er fyrst og fremst afurð náins samspils þessara þriggja þátta.

Um kvikmyndaverðlaun Norðurlandaráðs

Kvikmyndaverðlaun Norðurlandaráðs eru veitt norrænni kvikmynd með mikil listrænt gildi. Myndin þarf að hafa verið frumsýnd í kvikmyndahúsum á tímabilinu 1. júlí til 31. desember 2019 eða 1. janúar til 30. júní 2020.

Kvikmyndaverðlaun Norðurlandaráðs voru veitt í fyrsta sinn árið 2002 og eru nú veitt árlega um leið og önnur verðlaun ráðsins fyrir bókmenntir, tónlist og starf að umhverfismálum. Norræni kvikmynda- og sjónvarpssjóðurinn hefur umsjón með kvikmyndaverðlaunum Norðurlandaráðs.