Kosningaréttur á Álandseyjum

Samkvæmt finnskum lögum eiga allir finnskir ríkisborgarar sem hafa náð 18 ára aldri rétt á að kjósa í ríkiskosningum, það er segja þingkosningum, forsetakosningum og þjóðaratkvæðagreiðslum. Auk þess eiga allir ESB-borgarar sem eru orðnir 18 ára rétt á að kjósa í kosningum til Evrópuþingsins sem haldnar eru í Finnlandi og á Álandseyjum.

Sérstök lög gilda um lögþingskosningar og sveitarstjórnarkosningar á Álandseyjum. Ef ert finnskur ríkisborgari með álenskan heimabyggðarrétt mátt þú kjósa í lögþingskosningar og sveitarstjórnarkosningum ef ert orðin(n) 18 ára á kjördag. Í sveitarstjórnarkosningum þarftu einnig að hafa búsetu í sveitarfélagi á Álandseyjum til að eiga kosningarétt. Á síðu Info Norden um álenskan heimabyggðarrétt eru gefnar nánari upplýsingar um hvað felst í heimabyggðarrétti og hvernig sótt er um hann.

Á Álandseyjum eru haldnar lögþings- og sveitarstjórnarkosningar auk kosninga til Evrópuþingsins, finnskra forsetakosninga og þingkosninga. Undir fyrirsögnunum hér að neðan eru gefnar upplýsingar um kosningarnar sem eiga sérstaklega við um Álandseyjar. Upplýsingar um ríkiskosningar og ESB-kosningar eru gefnar á síðunni „Kosningaréttur í Finnlandi“

Ef þú ert í Finnlandi eða á Álandseyjum getur þú kosið á kjördag eða fyrir fram utan kjörfundar. Allir einstaklingar sem eru með kosningarétt og þekkt heimilisfang fá kosningakort sent í pósti fyrir kjördag. Á kosningakortinu má sjá á hvaða kjörstað á að kjósa og hvar er hægt að greiða atkvæði utan kjörfundar. Á kjördegi er aðeins hægt að kjósa á þeim kosningastað sem gefinn er upp á kosningakortinu en við utankjörfundaratkvæðagreiðslu fyrir kjördag er hægt að kjósa á hvaða almenna kjörstað sem er. Á kosningakortinu kemur einnig fram um hvaða kosningar er að ræða. Ekki þarf að hafa kosningakortið meðferðis á kjörstað en hins vegar þarf að framvísa gildum persónuskilríkjum, til dæmis vegabréfi eða ökuskírteini. 

Þú þarft að greiða atkvæði sjálf(ur) en að beiðni þinni er kjörfulltrúa skyld samkvæmt lögum að aðstoða þig við kosninguna. Ef þú átt erfitt með að merkja á kjörseðil vegna fötlunar, sjúkdóms eða meiðsla getur þú tilnefnt aðstoðarmann sem aðstoðar þig við að kjósa. Aðstoðarmaðurinn má þó ekki vera frambjóðandi eða vera nákominn frambjóðanda, þ.e.a.s. maki, barn, systkin eða foreldri.

Nánari upplýsingar um hvar og hvernig þú kýst í þínu sveitarfélagi, hvort þú hafir kosningarétt, hvernig þú getur kosið og fleira er að finna á upplýsingasíðu landsstjórnar Álandseyja, val.ax.

Ef þú ert utan Álandseyja á kjördag getur þú kosið utan kjörfundar á almennum kjörstað utan Álandseyja eða með bréfsendingu. Fyrir lögþings- og sveitarstjórnarkosningar á Álandseyjum eru tilgreindir staðir þar sem hægt er að kjósa fyrir fram.

Kjósa má á hvaða almenna kjörstað fyrir atkvæðagreiðslu utan Álandseyja, en ekki þarf að búa utan Álandseyja til þess. Nánari upplýsingar um hvernig á að kjósa utan Álandseyja er að finna á vefsíðunni „Hvernig og hvar á ég að kjósa“.

Á vefsíðum Info Norden er að finna upplýsingar um kosningarétt annars staðar á Norðurlöndum og hvert skal leita vegna spurninga.