Kosningaréttur í Danmörku

Aðeins danskir ríkisborgarar sem hafa búsetu í Danmörku hafa kosningarétt í þingkosningum og þjóðaratkvæðagreiðslum. Ekki þarf að hafa danskan ríkisborgararétt til að taka þátt í sveitar- og landshlutastjórnarkosningum og ef þú ert ríkisborgari í ESB-landi máttu kjósa í kosningum til Evrópuþingsins.

Þingkosningar og þjóðaratkvæðagreiðslur

Leyfilegt er að kjósa í þingkosningum og þjóðaratkvæðagreiðslum ef viðkomandi er orðinn 18 ára, er danskur ríkisborgari og býr í Danmörku. Kosningaréttur er þó ekki í gildi ef viðkomandi hefur verið svipt(ur) sjálfræði (undir sérstöku forræði).

Ef þú ert með kosningarétt í þingkosningum og þjóðaratkvæðagreiðslum færðu sent kosningakort með pósti um það bil fimm dögum fyrir kjördag.

Ef flutt er úr landi og viðkomandi skráður sem brottfluttur í dönsku þjóðskránni (CPR), er alla jafna ekki hægt að kjósa við danskar þingkosningar og þjóðaratkvæðagreiðslur vegna kröfunnar um búsetu í ríkinu. Vissir þjóðfélagshópar geta þó komist á kjörskrá, sæki þeir um það, og þar með kosið í slíkum kosningum þrátt fyrir að búa í útlöndum. Nánari upplýsingar er að finna á kosningavef i innanríkis -og heilbrigðisráðuneytisins.

Innflytjendur í Danmörku geta kosið til sveitarstjórna (kommunalvalg) og landshlutastjórna (regionsvalg). Það á einnig við um þá sem ekki eru danskir ríkisborgarar.

Kjósendur þurfa að vera orðnir 18 ára, vera með fasta búsetu í sveitarfélaginu eða landshlutanum og uppfylla að minnsta kosti eitt af eftirfarandi skilyrðum:

• að vera með danskan ríkisborgararétt;
• að vera ríkisborgarar í öðru ESB-landi;
• að vera með íslenskan, norskan eða breskan ríkisborgararétt;
• að hafa átt lögheimili i haft fasta búsetu innan ríkjasambandsins (Danmerkur, Færeyja eða Grænlands) undanfarin fjögur ár fyrir kjördag.

Búsetutímabilið telst frá þeim degi þegar lögheimili er skráð í þjóðskrá.

Ef þú ert með takmarkað dvalarleyfi (tålt ophold) eða hefur verið vísað úr landi getur þú þó ekki kosið þrátt fyrir að heimilisfang sé enn skráð í Danmörku.

Ef þú ert með kosningarétt til sveitar- eða landshlutastjórnar færðu sent kosningakort með pósti um það bil fimm dögum fyrir kjördag.

Ef þú ert ríkisborgari í öðru ESB-landi en Danmörku geturðu kosið til Evrópuþings í Danmörku ef þú ert með lögheimili í Danmörku og hefur náð 18 aldri. Það á aðeins við að því tilskyldu að þú kjósir ekki samtímis í heimalandinu þínu.

Ef þú ert ríkisborgari í einu ESB-landi en býrð í öðru landi geturðu valið hvort þú kýst til Evrópuþingsins í heimalandinu eða búsetulandinu, en þú mátt aðeins kjósa á einum stað.

Ef þú sem ríkisborgari í ESB-landi býrð í Danmörku og óskar eftir því að kjósa í Danmörku til Evrópuþingsins þarftu að sækja um skráningu á kjörskrá hjá sveitarfélaginu þar sem þú býrð í síðasta lagi fimm vikum fyrir kjördag. Um það bil þremur mánuðum fyrir kjördag færðu rafrænt bréf um þetta í gegnum Digital Post.

Ef þér hefur verið vísað úr landi getur þú þó ekki kosið þrátt fyrir að heimilisfang sé enn skráð í Danmörku.

Ef þú ert með kosningarétt í kosningum til Evrópuþingsins færðu sent kosningakort með pósti um það bil fimm dögum fyrir kjördag.

Nánari upplýsingar