Sækið um störf hjá okkur

Umsóknir eru sendar inn í gegnum norden.org. Ekki er tekið á móti óumbeðnum umsóknum. 

Í flestum tilfellum er hópur umsækjenda boðaður á fjarkynningu en í sumum tilfellum er umsækjendum boðið beint í stafrænt fyrsta viðtal. Lítill hópur umsækjenda er því næst boðaður í annað viðtal á staðnum í Húsi Norðurlanda, Ved Stranden 18 í Kaupmannahöfn.

Í viðtalinu verða deildarstjóri deildarinnar sem starfið sem sótt er um tilheyrir og oft starfsmaður sömu deildar ásamt fulltrúa mannauðsdeildar.
Ef þú ferðast til Kaupmannahafnar frá öðru landi til að mæta í starfsviðtalið greiðum við ferðakostnaðinn. Þú færð einnig upplýsingar um flutningspakka okkar, sem gerir mögulegan flutning til Kaupmannahafnar mun einfaldari.

Við ráðningu í sumar stöður óskum við eftir því að hæfustu umsækjendurnir þreyti hæfnispróf.
Við leitumst við að ráðningaferlið gangi greitt og lipurlega fyrir sig, en þar sem að við eigum oft viðtöl við umsækjendur alls staðar að frá Norðurlöndum, getur ferlið dregist á langinn og tekið allt að sex vikum. 

Velkomið er að spyrjast fyrir um framvindu mála í tölvupósti: hr@norden.org 
 

Skipta má starfsfólki Norðurlandaráðs og Norrænu ráðherranefndarinnar í fjóra meginstarfshópa:

• Deildarstjórar

• Aðalráðgjafar og ráðgjafar

• Almennt starfsfólk

• Deildarritarar og ritarar

Sömu tungumálakröfur eru gerðar til allra starfshópa: Allt starfsfólk þarf að tala og skrifa reiprennandi dönsku, norsku eða sænsku, en það eru vinnutungumál okkar. Allt starfsfólk okkar þarf einnig að tala reiprennandi ensku. 
Um ákveðin störf sem felast í samstarfi við Eystrasaltsríkin gildir einnig sú krafa að starfsfólk geti átt samskipti á tungumáli heimamanna.

Skilyrði er að starfsfólkið sé norrænir ríkisborgarar. 

Einnig viljum við að starfsfólk okkar:

• búi yfir víðtækri og góðri fagkunnáttu á sínu sérsviði

• skapi góðar og einfaldar lausnir

• eigi frumkvæði, miðli af þekkingu sinni og taki ábyrgð

• sýni öðru fólki virðingu og traust og mæti því með opnum huga.

Fyrir utan starfsfólk sem er sérhæft á ákveðnum sviðum ráðum við einnig fólk með sérþekkingu á sviði samskipta, upplýsingatækni, fjármála, þjónustugreina og mannauðsmála.

Það er kostur, en ekki krafa, að starfsfólk hafi starfað hjá stjórnsýslu ríkisins, hinu opinbera eða hjá alþjóðastofnun.

Aðildarlöndin skiptast á að gegna formennsku í Norrænu ráðherranefndinni. Í því felst að fundað er víða um Norðurlönd og því þarf starfsfólkið að vera reiðubúin að verja mörgum dögum á ári í ferðalög.

Við leggjum áherslu í ráðningum á fjölbreytileika varðandi kyn og þjóðerni og gætum þess vandlega að starfsfólk okkar sé frá öllum Norðurlöndum. Þannig stöndum við vörð um norræna vídd hjá öllum stofnunum okkar.

Skrifstofur Norðurlandaráðs, Norrænu ráðherranefndarinnar og Norræna menningarsjóðsins eru allar undir sama þaki í miðborg Kaupmannahafnar. Starfskjörin eru þau sömu hjá öllum stofnunum.

Áskrift að starfavöktun sendir þér tilkynningu um leið og störf í norrænu samstarfi eru auglýst til umsóknar.

Hægt er að sérsníða áskriftina að þeim efnisflokkum og stofnunum sem óskað er eftir. Þú færð tilkynningu um leið og norrænt starf sem samsvarar óskum þínum er auglýst til umsóknar.

Athugaðu að starfasíða okkar inniheldur auglýsingar frá ýmsum stofnunum. Hver stofnun sér um sitt eigið ráðningarferli og því geta skipulag, tímaáætlanir og tengiliðir verið mismunandi. Lestu því hverja auglýsingu vandlega og fylgdu leiðbeiningum fyrir viðkomandi stöðu.

Hlutastörf í Norræna húsinu standa til boða fyrir námsfólk. Námsfólk í hlutastörfum þarf að vera í námi í háskóla eða samsvarandi menntastofnun og geta unnið 10-15 klst. á viku. Skilyrði er að námsfólkið tali og skrifi reiprennandi dönsku, norsku eða sænsku. Verkefnin eru mjög fjölbreytileg. Við leggjum áherslu á að námsfólkið sem starfar hjá okkur fái hentug og þroskandi verkefni, en mörg verkefni eru praktísk og vanabundin.

Vinnutíminn er mismunandi eftir vinnustöðum og fylgir reglum í hverju landi, en að jafnaði er gert ráð fyrir 1-2 vinnudögum á viku. Við væntum þess að námsfólkið sýni ákveðinn sveigjanleika. Við sýnum sveigjanleika á móti, til dæmis þegar próflestur stendur yfir.