Um norrænan starfshóp um ferðamál

Tilgangur áætlunarinnar er að efla norrænt samstarf um ferðamál á vegum Norrænu ráðherranefndarinnar um sjálfbæran hagvöxt (MR-VÆKST) með það að markmiði að tryggja sjálfbæran hagvöxt í ferðaþjónustu á svæðinu. Áætlunin styður við stefnur landanna í ferðamálum með því að hefja aðgerðir sem tengjast markmiðum áætlunarinnar og kerfisbundna nálgun við innlendar og svæðisbundnar áskoranir. 

Norræn samstarfsáætlun um ferðamál 2025-2030 byggir á þremur megináherslusviðum: 

• Samkeppnishæf Norðurlönd: Að bæta laga- og stofnanaumgjörð, efla gagnadrifna ákvarðanatöku, styðja við græn umskipti og þróa færni og seiglu vinnuafls í ferðaþjónustu.
• Nýskapandi Norðurlönd: Að stuðla að nýsköpun og stafvæðingu, auka umfang sjálfbærra lausna sem eru fyrir hendi, skapa snjalla áfangastaði og nýta nýjar tæknilausnir svo sem gervigreind og netöryggi.
• Aðlaðandi Norðurlönd: Þróun áfangastaða sem gagnast nærsamfélögum, ábyrg markaðssetning sem laðar að sjálfbæra og ábyrga gesti og þverfaglegt samstarf við atvinnugreinar sem tengjast til dæmis mat, menningu og viðskiptum. 

Sjálfbærni er þverlægt málefni á öllum sviðunum þremur og er grundvallarregla áætlunarinnar. 

Ásamt áætluninni gegnir norræni starfshópurinn um ferðamál (NTWG) áfram lykilhlutverki við samræmingu norræns samstarfs um ferðaþjónustu. Hlutverk hópsins er einnig að hafa umsjón með framkvæmd norrænu ferðamálaáætlunarinnar 2025–2030, miðla upplýsingum og þróa verkefni í takt við markmið samstarfsáætlunarinnar og Framtíðarsýn okkar fyrir 2030.

Verkefnin eru í stöðugri þróun og endurspegla forgangsröðun landanna svo og sameiginleg norræn markmið þeirra. Frekari upplýsingar veitir skrifstofa Norrænu ráðherranefndarinnar og fulltrúar starfshópsins í hverju landi.

• Reboot Nordic Tourism - through sustainable product development and branding towards two long haul markets 2021-2023 (PART II about 2023)
• Reboot Nordic Tourism 2024 US and China
• A Nordic Model for Regenerative Tourism
• Nordic Tourism Conference 2025