Nýjar áherslur í samstarfi Norðurlanda og Rússlands um heilbrigðismál
Samstarfið um sýklalyfjaónæmi er framhald á samstarfsáætlun sem hófst árið 2017. Fyrstu tvö árin var í áætluninni lögð áhersla á HIV/AIDS og berkla og hafa bæði rússnesk stjórnvöld og Norræna ráðherranefndin verið ánægð með samstarfið og árangur þess. Mikill áhugi er á áframhaldi samstarfi um heilbrigðismál af hálfu Rússlands.
Samstarf sem gagnast báðum aðilum
„Sýklalyfjaónæmi er hnattrænt vandamál sem nær yfir landamæri og mat bæði Norðurlanda og Rússa er á einn veg, að það gagnist báðum aðilum að byggja upp samstarfsnet á þessu sviði,“ segir Andreas Ekengren, fulltrúi frá UD í Svíþjóð, en hann stýrði fundi samstarfsnefndarinnar.
Markmiðið með áætluninni er að skiptast bæði á sérþekkingu og gögnum og að styðja við framkvæmd stefnu Rússlands um sýklalyfjaónæmi í Norðvestur-Rússlandi. Í áætluninni felst auk þess menntun heilbrigðisstarfsfólks og áhersla bæði á notkun sýklalyfja og hugsanlegt sýklalyfjaónæmi meðal almennings í Norðvestur-Rússlandi og á Norðurlöndum.
Finnska heilbrigðis- og velferðarstofnunin THL fer með stjórnsýslu verkefnisins.
