Haldið ykkar eigin dag Norðurlanda – heima
Sjónvarpsþættir
Það er ekkert SKAM að horfa á norrænar sjónvarpsþáttaraðir. Hins vegar er það alveg dritkul. Við lærðum það af Sönu og vinum hennar í norsku ungmennaþáttaröðinni árið 2016. Það sem er líka dritkul er að hér er ókeypis aðgangur að norrænum þáttaröðum. Til dæmis í gegnum Nordvision og N12-samstarfið. Horfið á þetta með okkur gegnum tengilinn hér að neðan og haldið ykkar eigin dag Norðurlanda – heima
Bókmenntir
Skáldsaga, leikverk, ljóðabók eða smásagnasafn. Hér er að finna heilan heim af bókmenntum sem flytja þig upp í hæstu hæðir, inn að dýpstu leyndarmálum og út á ystu annes hins norræna anda. Kynnið ykkur handhafa norrænu bókmenntaverðlaunanna og fáið hugmyndir að því hvernig þið getið haldið ykkar eigin dag Norðurlanda – heima.
Barna- og unglingabókmenntir
Norrænar barna- og unglingabókmenntir eru þekktar á Norðurlöndum og um heim allan. Að okkar mati er það ekki að ástæðulausu. Hér getið þú og börnin þín farið í könnunarleiðangur um heim ævintýranna og fengið yfirlit yfir handhafa verðlauna Norðurlandaráðs og metið hvort ykkur finnst að við höfum haft rétt fyrir okkur. Og þið getið fengið hugmyndir að því hvernig þið getið haldið ykkar eigin dag Norðurlanda – heima.
Tónlist
The winner takes is all, syngur Abba. En hver er besta hljómsveit eða besti tónlistarmaður Norðurlanda? Það er erfitt að segja til um það. Hér er að minnsta kosti yfirlit yfir verðlaunahafa Norðurlandaráðs. Og þið hafið aðgang að ókeypis lagalista með norrænni tónlist. Hlustið, dansið og syngið. Og haldið ykkar eigin dag Norðurlanda – heima.
Kvikmyndir
Kvikmyndin Drottningin með dönsku leikkonunni Trine Dyrholm í aðalhlutverki fékk Kvikmyndaverðlaun Norðurlandaráðs í fyrra. En hún er ekki eina framúrskarandi myndin sem til er á Norðurlöndum. Það er óravegur frá því. Hér er yfirlit yfir handhafa verðlauna Norðurlandaráðs. Og hugmyndir að því hvaða mynd þið getið horft á til þess að halda upp á ykkar eigin dag Norðurlanda – heima.
LIVE: Menning á Norðurlöndum
Skoðaðu norræna list og menningu á stafrænu sniði. Með LIVE-viðburðum með samtölum við listamenn, tónleikum og sýningum nær menningin til fjöldans. Eða leitaðu í safni af útsendingum þar sem er að finna fjölda spennandi höfundakvölda og viðburða. Hér eru tenglar á viðburði og stafræna upplifun frá nokkrum norrænu menningarstofnananna.
