Vinnuhópur um regluverk tengt stafvæðingu – Nobareg

Nobareg leggur sitt af mörkum til stafrænna aðgerða í löndunum með miðlun reynslu og sameiginlegum aðferðum við innleiðingu löggjafar ESB þar sem það á við. Hópurinn leitast við að finna og greiða fyrir upplýsingum um gott verklag við innleiðingu og mótun löggjafar um stafvæðingu og tekur í þeirri vinnu mið af sameiginlegum gildum Norðurlanda og Eystrasaltsríkjanna, t.d. þegar kemur að notkun gervigreindar og miðlun og endurnýtingu gagna.

Aðalmarkmiðið í framtíðinni verður að fínpússa samstillta nálgun við innleiðingu gagnareglugerðar ESB og stuðla að öflugu regluverki ríkjanna í tengslum við evrópskan gagnamarkað.