Námsstyrkir í Noregi

Utdanningsstøtte fra Norge
Hér geturðu lesið um námslán og styrki frá Noregi.

Komir þú til Noregs í þeim tilgangi að stunda nám skaltu byrja á því að kanna hvort þú getið fengið námslán eða styrk frá heimalandinu. Yfirleitt er hægt að taka námslán eða styrk með sér frá heimalandinu til annars norræns lands. Ef þú getur ekki fengið námslán eða styrk í heimalandinu geturðu kannað hvort þú uppfyllir kröfur til að fá lán eða styrk í Noregi. Ef þú uppfyllir norskar kröfur og átt rétt á námsláni eða námsstyrk frá Lånekassen geturðu fengið lán eða styrk til að stunda nám í framhaldsskóla, háskóla eða lýðháskóla.

Nánar um námslán og námsstyrki annars staðar á Norðurlöndum:

Hverjir geta fengið námslán eða námsstyrk frá Noregi?

Meginreglan er sú að þú sért norskur ríkisborgari og hafir fengið aðgang að viðurkenndu námi til þess að fá námslán eða námsstyrk úr norska lánasjóðnum. En erlendir ríkisborgarar geta einnig átt rétt á láni eða styrk. Fer það eftir tengslum þeirra við Noreg og ástæðum fyrir dvöl þeirra þar í landi. Þú getur til að mynda átt rétt á námsláni eða námsstyrk ef þú uppfyllir kröfuna um að hafa unnið og greitt skatta í Noregi, um hjúskap eða önnur ættartengsl.

Hvernig og hve hátt námslán eða námsstyrk geturðu fengið?

Þú getur fengið námslán og námsstyrk. Greint er á milli lána og styrkja fyrir framhaldsskólanema og fyrir fólk sem stundar nám hjá æðri menntastofnunum og annað nám. Ef um æðri menntun er að ræða er grunnupphæðin greidd í formi láns. Allt að 40% upphæðarinnar geta breyst í styrk að loknu námi eða loknu prófi. Tekjur og eignir hafa einnig áhrif á hve stórt hlutfall lánsins breytist í styrk. Þú greiðir ekki skatta af námslánum og námsstyrkjum í Noregi.

Lán eða styrkir vegna annars náms en framhaldsskólanáms eru veittir í alls átta ár að hámarki. Þú getur ekki fengið lán eða styrki í meira en átta ár þrátt fyrir að tafir verði í náminu. Hægt er að veita undanþágur ef tafirnar eru af völdum veikinda, fötlunar eða fæðingar/ættleiðingar.

Hvernig sækir þú um námslán?

Allir sem sækja um námslán gera það rafrænt á „Dine sider“ á vefsíðunni lanekassen.no. Athugaðu að til þess að geta sótt um verður þú að dveljast löglega í landinu, vera með norska kennitölu, hafa fengið aðgang að námi og vera með norskan bankareikning.

Umsóknarfrestir um lán eru 15. nóvember fyrir haustönn og 15. mars fyrir vorönn.

Hvernig endurgreiðir þú lánið?

Um sjö mánuðum eftir að þú lýkur námi færðu afborgunaráætlun frá norska lánasjóðnum með yfirliti yfir upphæð afborgana og gjalddaga.

Hvað gerist ef veikindi koma upp eða þungun eða ef þú átt börn?

Eignist þú barn á meðan á námi stendur geturðu fengið foreldrastyrk hjá norska lánasjóðnum. Foreldrastyrkur felur í sér að sú upphæð sem þú hefðir fengið í formi láns eða styrks greiðist sem styrkur. Þú getur fengið foreldrastyrk samfleytt í allt að 49 vikur.

Ef þú stundar nám og býrð með barni yngra en 16 ára í að minnsta kosti 40% tímans geturðu fengið framfærandastyrk. Hann er veittur á grundvelli mats á tekjum og eignum þínum og hugsanlegs maka.

Ef þú veikist í námi og getur ekki sótt tíma geturðu fengið láninu breytt í styrk. Almennum styrkjum er þá breytt í veikindastyrk.

Hvaða reglur gilda um námslán og styrki til náms erlendis?

Þú getur fengið lán til háskólanáms en einnig framhaldsskólanáms erlendis en þá þarf námið að vera fullt starf. Upphæðin fer eftir því hvaða land þú velur, hvernig skóla og hvernig nám. Munur er á kröfum sem gerðar eru vegna náms á Norðurlöndum eða utan Norðurlandanna.

Hvar er hægt að finna sjóði og styrki?

Til eru ýmsir sjóðir og styrkjakerfi þar sem hægt er að sækja um styrki. Hér er að finna yfirlit yfir norska sjóði og styrki og skilyrði fyrir styrkveitingum:

Spurning til Info Norden

Ef þú ert með spurningu skaltu fylla út eyðublaðið hérna:

ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.

Info Norden er upplýsingaþjónusta Norrænu ráðherranefndarinnar. Við gefum upplýsingar til fólks sem vill flytja, vinna, stunda nám, leita styrkjum eða hefja rekstur í öðru norrænu landi.
Leitaðu að skrifstofu Info Norden hérna