Tollareglur á Álandseyjum

Á Álandseyjum gilda sérstakar reglur um netverslun vegna skattalegu landamæranna. Meðhöndlun pantana fer eftir því hvernig fyrirtækið háttar virðisaukaskatti og tollafgreiðslu. Athugaðu alltaf áður en þú pantar hvernig sendingu og sölu til Álandseyja er háttað.

Skattalandamæranúmer: Finnsk fyrirtæki sem hafa skattalandamæranúmer sjá um virðisaukaskatt og tollafgreiðslu. Fyrirtækið gefur upplýsingar til tollyfirvalda og varan er þá send beint á afhendingarstað. 

Virðisaukaskattsfrí sala: Ef fyrirtæki er ekki með skattalandamæranúmer þarf það yfirleitt að selja vörur án virðisaukaskatts. Kaupandinn tollafgreiðir vörurnar og greiðir virðisaukaskatt í tengslum við tollafgreiðsluna. Ef virðisaukaskattur hefur þegar verið greiddur til seljanda við kaup og er einnig greiddur á Álandseyjum við innflutning er hægt að biðja um endurgreiðslu frá seljanda. Því er mikilvægt að geyma kvittun og önnur skjöl sem staðfesta greiðslur.

Aðrar sendingar: Ef sendingin er ekki með skattalandamæranúmeri og er ekki heldur virðisaukaskattsfrí sala getur kaupandinn þurft að tollafgreiða vöruna sjálfur. Þá er virðisaukaskattur bæði greiddur til seljanda og sem innflutningsvirðisaukaskattur á Álandseyjum. Til að forðast tvígreiðslu virðisaukaskatts er hægt að hafa samband við seljandann og biðja um endurgreiðslu. Endurgreiðslur eru aðeins samþykktar ef hægt er að sýna fram á að virðisaukaskattur hafi verið greiddur af innflutningnum.

Það getur þurft að tollafgreiða gjöf ef sendingarseðill fram á það. Til að teljast vera gjöf þarf sendingin að vera milli tveggja einstaklinga. Alltaf þarf að greiða virðisaukaskatt af gjöfum frá fyrirtækjum.

Ef virði gjafar er yfir 45 Evrum þarf viðtakandinn yfirleitt að greiða virðisaukaskattur og viðeigandi vörugjöld, ef einhver eru, en ekki toll. Til að afgreiða vöruna úr tolli þarf að veita upplýsingar um innihaldið. Greiða þarf virðisaukaskatt og vörugjöld af áfengi, sígarettum og álíka vörum óháð virði þeirra.

Við sendingu gjafar frá Álandseyjum til annarra hluta Finnlands þarf sendandinn almennt að sjá um tollafgreiðslu fyrir hönd viðtakandans. Ef virði gjafar er yfir 45 Evrum þarf yfirleitt að greiða virðisaukaskatt og viðeigandi vörugjöld, ef einhver eru. Samskiptaupplýsingar og kennitölu viðtakandans þarf fyrir tollafgreiðsluna. Ekki þarf að tollafgreiða gjafir sem sendar eru frá Álandseyjum til annars ESB-ríkis.

Á vef tollyfirvalda má finna nánari upplýsingar um þær reglur sem gilda um gjafasendingar til og frá Álandseyjum.

Tollafgreiða þarf öll ökutæki sem eru flutt til Álandseyja, óháð virði þeirra. Ítarlegar leiðbeiningar um tollafgreiðslu ökutækja sem eru flutt inn og skráð á Álandseyjum eru gefnar á vefsíðu tollyfirvalda um ökutæki á Álandseyjum eða á síðu Info Norden um sama efni.

Við sendingu dagblaða frá öðrum ESB-ríkjum eða öðrum hlutum Finnlands er hægt að tollafgreiða og greiða virðisaukaskatt fyrir öll dagblöð innan sama áskriftartímabils í einu.

Ef dagblað er sent frá ríki utan ESB þarf að fylla út tollskýrslu og greiða virðisaukaskatt fyrir hvert eintak. Ítarlegar leiðbeiningar um tollafgreiðslu dagblaða og áskrifta að dagblöðum til Álandseyja er að finna á vef tollyfirvalda.

Við flutning til Álandseyja frá finnska meginlandinu eða öðru ESB-ríki, til dæmis Svíþjóð eða Danmörku, á að velja rauðu röðina við komu. Framvísa skal vörunum til tollyfirvalda. Framvísa skal lista yfir innihald búslóðar ásamt útfylltu eyðublaði 45 um undanþágu frá tollum og undanþágu vara frá virðisaukaskatti við innflutning búslóðar. Eyðublaðið má finna á vef tollyfirvalda.

Ef búslóð inniheldur bíl eða annað ökutæki þarf einnig að tollafgreiða það. Nánari upplýsingar fást á vefsíðu tollyfirvalda undir Svona er búslóð tollafgreidd og á síðunni Ökutæki á Álandseyjum.

Við flutning frá landi utan ESB, til dæmis Noregi, þarf að tollafgreiða búslóðina á sama hátt og við flutning frá landi utan ESB til meginlands Finnlands.

Almennt er hægt að flytja inn búslóð án þess að greiða virðisaukaskatt eða toll ef einstaklingur hefur hafst basta búsetu utan ESB í a.m.k. 12 samfellda mánuði og hefur átt og notað búslóðina í a.m.k. 6 mánuði. Ef einstaklingur hefur utan ESB í minna en 12 mánuði þarf í flestum tilfellum að greiða virðisaukaskatt og viðeigandi toll. Lesa má allar reglur um búslóðarflutninga frá löndum utan ESB á vef tollyfirvalda.

Við flutning til finnska meginlandsins þarf að framvísa búslóðinni til tollyfirvalda við komu ef beðið er um það. Listi yfir innihald búslóðarinnar þarf að vera til staðar ásamt útfylltu eyðublaði 45 um undanþágu frá tollum og undanþágu vara frá virðisaukaskatti við innflutning búslóðar. Eyðublaðið má finna á vef tollyfirvalda.

Ef búslóð inniheldur bíl eða annað ökutæki þarf einnig að tollafgreiða það. Nánari upplýsingar fást á vefsíðu tollyfirvalda undir Ég er að flytja úr landi og á síðunni Ökutæki á Álandseyjum.

Við flutning frá Álandseyjum til annarra landa þarf að skila tollskýrslu fyrir búslóðina. Listi yfir innihald búslóðar þarf að fylgja með skýrslunni. Ef einstaklingur sér sjálfur um flutninginn þarf hann að framvísa tollskýrslunni á skrifstofu tollyfirvalda í Maríuhöfn eða senda hana með tölvupósti fyrir brottför frá Álandseyjum. Ítarlegri leiðbeiningar fást á vef tollyfirvalda.