Fjögur ár af stríði – áframhaldandi eindreginn norrænn stuðningur við Úkraínu

„Norðurlandaráð ítrekar eindregna fordæmingu sína á allsherjarinnrás Rússa í Úkraínu. Við stöndum þétt að baki yfirráða Úkraínu yfir landsvæði sínu, fullveldi og réttar íbúanna til að taka ákvarðanir um eigin framtíð.

Norðurlandaráð hefur í nærri 75 ár staðið vörð um lýðræði, alþjóðalög, mannréttindi og frið. Við lýsum yfir eindregnum stuðningi okkar við aðgerðir til að tryggja réttlátan og varanlegan frið í Úkraínu. Frjáls, öflug og lýðræðisleg Úkraína felur í sér öfluga Evrópu.

Við leggjum áherslu á áframhaldandi samstarf við líkt þenkjandi þjóðir til að styðja Úkraínu. Það felur í sér hernaðarlegar og efnahagslegar aðgerðir ásamt aðgerðum við enduruppbyggingu. Vernd mikilvægra og viðkvæmra samfélagsþátta og viðnámsþróttur gegn upplýsingaóreiðu eru aðrir mikilvægir þættir til að ná fram almennu öryggi í bæði Úkraínu og á Norðurlöndunum.

Hugur okkar er hjá úkraínsku þjóðinni, sem í miklum vetrarhörkum hefur orðið að þola hatrammar árásir á borgaralega innviði, sem hafa veikt ástand mannúðarmála í landinu.

Norðurlandaráð mun styðja Úkraínu eins lengi og þörf krefur.“