Mariehamn á Álandseyjum hlýtur umhverfisverðlaun Norðurlandaráðs 2022

Á landsvæðinu Nabben hefur bærinn Mariehamn skapað votlendisgarð í nágrenni við bæinn og í tengslum við strandsjó þar sem vatnsgæði eru lítil. Þema umhverfisverðlaunanna í ár er náttúrumiðaðar lausnir – alhliða svar við hinum stóru umhverfisáskorunum samfélagsins.

Rökstuðningur dómnefndar: „Handhafi verðlaunanna í ár býður fjölhæfar lausnir til að hreinsa vatnsumhverfi og hefur jákvæð áhrif á plöntu- og dýralíf. Að auki stuðlar verkefnið að því að greiða fyrir loftslagsaðlögun í borgarumhverfi. Með nálægð sinni við dýralíf og náttúru, auk fræðslustarfs, stuðlar verðlaunahafi ársins að bættri félagslegri vellíðan fólks og eflir um leið þekkingu þess á og meðvitund um náttúruna.

Fulltrúar Mariehamn tóku við verðlaununum í Musikhuset í Helsinki á verðlaunaafhendingu Norðurlandaráðs.  Alls voru sex tilnefnd til verðlaunanna. Álandseyjar hlutu seinast umhverfisverðlaun Norðurlandaráðs árið 1999.