Yfirlýsing formennsku Norðurlandaráðs: Áfram eindreginn norrænn stuðningur við Grænland

Ljósmyndari

Christoph Strässler

Við ítrekum eindreginn og skilyrðislausan stuðning okkar við Grænlendinga og óafsalanlegan rétt þeirra til að taka ákvarðanir um eigið land og eigin framtíð, sem er órjúfanleg grundvallarregla í alþjóðalögum.

Grænland er mikilvægur og órjúfanlegur hluti norrænu fjölskyldunnar, Norðurlandaráðs, Norðurlanda og hins norræna samstarfs.

Norðurlandaráð vinnur einart að því að stuðla að lýðræði og réttarreglu og að því að standa vörð um og styrkja reglubundna alþjóðaskipan.

Öll norrænu löndin eiga nú aðild að NATO og öll hafa þau sterk tengsl við Bandaríkin hvað varðar fjölskyldubönd, menningu, efnahag og öryggi. Við leggjum áherslu á að stuðla að nánara samstarfi við Bandaríkin, en það verður að byggjast á virðingu fyrir fullveldi ríkja, friðhelgi yfirráðasvæða og lýðræðislegum gildum.

Ákvarðanir um málefni er varða Grænland og konungsríkið Danmörku geta einungis verið teknar af Grænlandi og Danmörku.

Helsinki, 8. janúar 2026

Ville Väyrynen Kim Berg
Forseti Varaforseti

Norðurlandaráð er opinber vettvangur fyrir samstarf norrænu þjóðþinganna. Það var stofnað árið 1952 og í því sitja 87 fulltrúar átta norrænna þjóðþinga frá Danmörku, Finnlandi, Færeyjum, Grænlandi, Íslandi, Noregi, Svíþjóð og Álandseyjum. Finnland gegnir formennsku í Norðurlandaráði árið 2026.