Dagur Norðurlanda 2023: Norræn samstaða og hlutverk menningar á stríðstímum

Dagskráin samanstendur af pallborðsumræðum um  hlutverk menningar á stríðstímum, upplestur úr verki sem tilnefnt er til Bókmenntaverðlauna Norðurlandaráðs, ræður frá norrænum prófílum og tónlistarflutningi.  

Af hverju að hlusta á tónlist, fara í leikhús, skrifa ljóð eða njóta myndlistar þegar stríðið geysar og fólk er að deyja? Ljóð munu ekki stöðva flugskeyti. Leikhús mun ekki binda enda á þjáningar. 

En menning er ekki áhrifalaus. 

Í gegnum listina getum við skapað tengingar milli fortíðar og framtíðar, hins óhlutbundna og hins áþreifanlega, lært að skilja og lært að efast. Við greinum betur á milli hins góða og slæma á tímum baráttu og hörmunga. Menning og listir hafa vald til þess að sýna stríð á sínum eigin forsendum, að miðla boðskapnum rakleiðis og handan við hefðbundin mannleg samskipti og áróður. 

Hér kynnumst við fjórum konum sem starfa í lista- og menningargeiranum. Við munum ræða um hlutverk menningar á stríðstímum, mátt listarinnar til að koma frásögnum til skila og fræða fólk, samhliða því að veita huggun og grið á tímum verstu hörmunga manna, eins og stríðsins í Úkraínu. 

Olga Jóhannesson stýrir umræðunum. 

• Guðmundur Ingi Guðbrandsson, samstarfsráðherra Norðurlanda 
• Sabina Westerholm, forstjóri Norræna hússins 
• Helgi Þorsteinsson, sagnfræðingur og ritari Íslandsdeildar Norðurlandaráðs 
• Pär Ahlberger, sendiherra Svíþjóðar 
• Bryndís Haraldsdóttir, formaður Íslandsdeildar Norðurlandaráðs 
• Guðni Elísson, tilnefndur til Bókmenntaverðlauna Norðurlandaráðs 2023 

• Valerie Ósk Elenudóttir, íslensk-úkraínsk leikkona 
• Natasha S, íslenskt ljóðskáld af rússneskum uppruna 
• Kateryna Mysechko, úkraínskur fiðluleikari í Synfóníuhljómsveit Íslands 
• Olena Steptytska, úkraínsk listakona 

Dagskráin er skipulögð í samstarfi við Norræna félagið.