Hittið verðlaunahafa Norðurlandaráðs 2019

Danski rithöfundurinn Jonas Eika hlaut bókmenntaverðlaun Norðurlandaráðs 2019 fyrir smásagnasafnið Efter Solen (Basilisk, 2018).  Jonas Eika hlýtur verðlaunin fyrir verk sem minnir okkur á að bókmenntirnar eru færar um annað og meira en að spegla það sem við þekkjum nú þegar.

Norski rithöfundurinn Kristin Roskifte hlaut barna- og unglingabókmenntaverðlaun Norðurlandaráðs 2019 fyrir myndabókina Alle sammen teller. Kristin Roskifte hlýtur verðlaunin fyrir verk sem er öðruvísi og einstakt innan sinnar bókmenntagreinar.

Dronningen eftir danska handritshöfundinn og leikstjórann May el-Toukhy, handritshöfundinn Maren Louise Käehne og framleiðendurna Caroline Blanco og René Ezra hlaut kvikmyndaverðlaun Norðurlandaráðs 2019 fyrir ítarlega lýsingu á hörmulegu fjölskylduleyndarmáli og afleiðingum ofdrambs, losta og lyga sem leggjast á eitt til að leiða aðalpersónuna í óhugsandi ógöngur.

Gyða Valtýsdóttir hlaut tónlistarverðlaun Norðurlandaráðs 2019 fyrir tónlistarflutning þar sem sköpunarkrafturinn brýst fram með afgerandi rödd, frumlegum hljóðfæraleik og miklum persónutöfrum.

Greta Thunberg hlaut umhverfisverðlaun Norðurlandaráðs en kaus að veita verðlaununum ekki viðtöku í mótmælaskyni vegna skorts á aðgerðum í loftslagsmálum.

Verðlaunaveiting Norðurlandaráðs 2019 var send út beint frá tónleikahúsinu í Stokkhólmi og má sjá upptökuna fram til vors 2020 á eftirfarandi krækjum og tíma.

Norðurlandaráð veitir fimm verðlaun á ári hverju: bókmenntaverðlaun, kvikmyndaverðlaun, tónlistarverðlaun, umhverfisverðlaun og barna- og ungmennabókmenntaverðlaun. Hver verðlaun nema 350 þúsundum danskra króna og eru þau veitt í tengslum við árlegt þing Norðurlandaráðs.