BEINT: Hvað mynd draga kvikmyndir og sjónvarp upp af ungu LGBTI fólki?

Hvaða mynd draga kvikmyndir, sjónvarp og fjölmiðlar upp af ungu LGBTI fólki í Danmörku og á Norðurlöndum? Er það réttlát mynd, er hún nauðsynleg og er hún eflandi eða er hún dragbítur? Þetta verður útgangspunkturinn í umræðum með fulltrúum úr LGBTI-samfélaginu, bæði ungu fólki og foreldrum, ásamt fulltrúum úr fjölmiðla- og kvikmyndaheiminum. Skilyrði ungs LGBTI fólks árið 2020 verða til umræðu. Einnig munum við heyra álit pallborðsins á því hvað Norræna ráðherranefndin eigi að leggja til nýs samstarfs í þágu LGBTI fólks á Norðurlöndum.

Viðburðurinn er einn af sjö viðburðum sem haldnir eru í Danmörku, Finnlandi, Noregi og Svíþjóð og á Íslandi, Grænlandi, Færeyjum og Álandseyjum. Ábendingum og tillögum frá umræðunum verður safnað saman í fræðslurit sem nýtt verður í norrænu samstarfi til að bæta skilyrði fyrir jafnrétti í Danmörku og á Norðurlöndum.

Viðburðurinn er hluti af kvikmyndahátíðinni MIX Copenhagen. Viðburðurinn verður í beinu streymi á netinu.    

Inngangur: Ráðherra matvæla, fiskveiða, jafnréttis og norræns samstarfs – Mogens Jensen

• Copenhagen MIX – Andrea Coloma
• LGBT+ Ungdom Danmark – Casper Øhlers
• Stuðningssamtök fyrir transbörn – Helge Sune Nymand
• Det danske Filminstitut - Lotte Svendsen

Fundarstjóri: Sofie Østergaard, DR

Laugardagur 24. október frá 14.45–16.15
MIX Copenhagen, Cinemateket, Gothersgade 55, 1123 Kaupmannahöfn – (hámark 50 manns) 
Viðburðinum verður streymt – tengill á streymi kemur síðar