Norræna ráðherranefndin

Norræna ráðherranefndin er samstarfsvettvangur norrænu ríkisstjórnanna þar sem ráðherrar og embættismenn frá öllum Norðurlöndum koma saman í nokkrum nefndum sem hver og ein ber ábyrgð á sínum málaflokki.

Danmörk og Færeyjar gegna formennsku í Norrænu ráðherranefndinni árið 2026. Eitt helsta forgangsverkefni formennskuáætlunarinnar verður að tryggja að Helsingforssamningurinn verði uppfærður þannig að hann taki mið af því að átta lönd eigi aðild að samstarfinu.

Norðurlönd eiga að verða sjálfbærasta og samþættasta svæði heims á árunum fram til 2030. Samstarfið í Norrænu ráðherranefndinni á að þjóna því markmiði.