Skráning í þjóðskrá á Álandseyjum

Folkbokföring på Åland
Hér er að finna upplýsingar um skráningu í þjóðskrá, kennitölur, tilkynningar um flutning og heimasveitarfélag þegar flutt er til Álandseyja. Í Finnlandi og á Álandseyjum er þjóðskrá einnig nefnd almannaskráning.

Almennt gilda sömu reglur um skráningu á Álandseyjum og í Finnlandi. Finna má almennu reglurnar á síðunni um flutningstilkynningu og tilkynningu til þjóðskrár í Finnlandi.

Ef þú flytur til Álandseyja til að eiga þar fasta búsetu gildir undantekning um Finnland sem þú getur kynnt þér undir „Herskylda“ hér fyrir neðan.

Ef þú flyst til innan Norðurlanda

Á Álandseyjum er það ráðuneyti Álandseyja sem hefur umsjón með flutningstilkynningum og skráningu í þjóðskrá. Á vefsíðum þess má meðal annars finna reglur um skráningu í þjóðskrá á Álandseyjum og hvaða persónuskilríki þarf að sýna þegar flutt er frá öðru norrænu landi til Álandseyja. Ef þú flytur með ólögráða börnum þarftu að hafa með vottorð þar sem nöfn foreldra og forráðamanna þeirra koma fram. Einnig þarf að hafa meðferðis gild persónuskilríki barnanna.

Herskylda

Þeir sem njóta heimabyggðarréttar og sem hafa flutt til Álandseyja fyrir 12 ára aldur eru undanskildir herskyldu.

Nánari upplýsingar

Hafðu samband við yfirvöld

Ef þú hefur spurningar um skráningu í þjóðskrá geturðu haft samband við skráningarskrifstofu ráðuneytis Álandseyja

Spurning til Info Norden

Ef þú ert með spurningu skaltu fylla út eyðublaðið hérna:

ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.

Info Norden er upplýsingaþjónusta Norrænu ráðherranefndarinnar. Við gefum upplýsingar til fólks sem vill flytja, vinna, stunda nám, leita styrkjum eða hefja rekstur í öðru norrænu landi.
Leitaðu að skrifstofu Info Norden hérna