Skráning í þjóðskrá á Álandseyjum

Þjóðskráin inniheldur nýjustu persónuupplýsingar finnskra ríkisborgara og erlendra ríkisborgara sem hafa fasta eða tímabundna búsetu í Finnlandi og á Álandseyjum. Málefni íbúa Álandseyja, svo sem skráning í þjóðskrá og umsókn um finnska kennitölu, eru afgreidd af skráningaryfirvöldum svæðisskrifstofu Álandseyja.

Á Álandseyjum gilda sömu reglur um skráningu í þjóðskrá og í Finnlandi. Nánari upplýsingar um skráningu í þjóðskrá og kennitölu í Finnlandi og á Álandseyjum eru gefnar á síðunum „Skráning í þjóðskrá í Finnlandi“ og „Kennitala á Álandseyjum“.

Við flutning til Álandseyja frá norrænu landi til að hafa þar fasta búsetu er hægt að fá skráningu í þjóðskrá þegar flutningurinn hefur verið tilkynntur til skráningaryfirvalda á svæðisskrifstofu Álandseyja í Maríuhöfn. Tilkynna þarf um flutninginn í eigin persónu og framvísa gildum persónuskilríkjum. Við skráningu í þjóðskrá er finnskri kennitölu einnig úthlutað og nýtt heimasveitarfélag ákvarðað. Heimasveitarfélagið hefur m.a. áhrif á skattlagningu og heilbrigðisþjónustu. Lesa má nánar um skráningu í þjóðskrá á vef svæðisskrifstofu Álandseyja.

Ef þú ert ekki ríkisborgari norræns lands þarftu skráningarvottorð fyrir dvalarleyfi ríkisborgara í Evrópusambandinu, dvalarleyfiskort eða aðra staðfestingu á að þú dveljir löglega í Finnlandi til að geta skráð þig í þjóðskrá. Sænska innflytjendastofnunin (Migrationsverket) hefur umsjón með slíkum málum. Lesa má nánar um þjónustu innflytjendastofnunarinnar á Álandseyjum á síðunni „Atvinnu- og dvalarleyfi á Álandseyjum“.

Til að mega kjósa og bjóða sig fram í þingskosningum, stunda atvinnurekstur og eiga land eða fasteign á Álandseyjum þarf einstaklingur að hafa heimabyggðarrétt. Einstaklingar yngri en 18 ára hverra foreldrar hafa heimabyggðarrétt fá réttinn sjálfkrafa. Það þýðir til dæmis barn sem fæðist með lögheimili á Álandseyjum og er með finnskan ríkisborgararétt og a.m.k. annað foreldra þess hefur heimabyggðarrétt fær það heimabyggðarrétt við fæðingu. Til að geta sótt um heimabyggðarrétt þarf alltaf að hafa finnskt ríkisfang, búa á Álandseyjum og búa yfir fullnægjandi sænskukunnáttu. Breytilegt er hve langur búsetutíminn þarf að vera. 

Þeir sem fæðast á Álandseyjum eða eru finnskir ríkisborgari sem fluttust til Álandseyja fyrir 12 ára aldur og njóta heimabyggðarréttar eru undanþegnir herskyldu. Nánari upplýsingar er að finna á síðu Info Norden um heimabyggðarrétt á Álandseyjum.

Samkvæmt norræna samningnum um almannaskráningu getur einstaklingur sem búsettur er á Norðurlöndum aðeins haft lögheimili í einu norrænu landi í einu. Við búsetu eða upphaf búsetu í tveimur norrænum löndum er það þjóðskrá í innflutningslandinu sem sker úr um skráninguna.

Búsetulandið er metið út frá því hvar einstaklingurinn hefur varanleg tengsl, til dæmis í gegnum fjölskyldu, búsetu eða vinnu. Ákvörðun er tekin eftir heimsókn í eigin persónu og skráningu hjá þjóðskrá í nýja búsetulandinu.

Finna má upplýsingar um almannatryggingar við búsetu í mörgum löndum samtímis á síðunni „Almannatryggingar hvaða lands gilda um þig?“.

Á vefsíðum Info Norden er að finna upplýsingar um skráningu í þjóðskrá annars staðar á Norðurlöndum og þær stofnanir sem leita skal til vegna spurninga.