Skráning í þjóðskrá í Danmörku

Folkeregistrering i Danmark
Hér má lesa um hvenær þér er heimilt og skylt að sækja um skráningu í þjóðskrá í Danmörku þegar þú flytur þangað.

Þú getur sótt um skráningu í danska þjóðskrá (Det Centrale Personregister (CPR)) þegar þú flytur til Danmerkur. Réttindi þín og skyldur í tengslum við skráningu í þjóðskrá fara eftir ríkisfangi þínu og því landi sem þú flytur frá.

Ef þú flytur innan Norðurlanda, þ. á m. Færeyja, Grænlands og Álandseyja, gildir svonefndur Norðurlandasamningur um almannaskráningu. Samningurinn kveður á um að einstaklingur geti einungis verið skráður í einu Norðurlandanna í senn.

Þér er skylt að tilkynna flutningana til sveitarfélagsins eigi síðar en fimm dögum eftir að þú flytur til Danmerkur og uppfyllir kröfur um bústaðarskráningu. Þú getur ekki fengið búsetuskráningu ef þú hefur ekki bústað eða fastan dvalarstað, dvalarleyfi og ætlar að dvelja í landinu lengur en í þrjá mánuði.

Ef þú ert ekki danskur ríkisborgari en flytur erlendis frá til Kaupmannahafnar eða annarra sveitarfélaga á höfuðborgarsvæðinu og víðar á Sjálandi geturðu tilkynnt flutninginn á netinu. Sjá kaflann „Ef þú flytur á höfuðborgarsvæðið“ neðar á síðunni.

Ef þú flytur í annað sveitarfélag þarftu að tilkynna flutning frá útlöndum í eigin persónu hjá miðstöð borgaraþjónustunnar (Borgerservice) í sveitarfélaginu sem þú flytur til. Þú þarft alltaf að framvísa skilríkjum og gefa upp heimilisfang þitt í Danmörku. Þú þarft einnig að framvísa öðrum vottorðum en þau fara eftir ríkisfangi þínu og landinu sem þú flytur frá.

Eftir bústaðarskráningu í CPR færðu danska kennitölu.

Norrænir ríkisborgarar

Ef þú ert norrænn ríkisborgari og flytur til Danmerkur þarftu að sækja um skráningu í dönsku þjóðskránni ef þú hyggst dvelja í landinu lengur en í sex mánuði.

Þér er heimilt en ekki skylt að sækja um skráningu í dönsku þjóðskránni ef þú hyggst dvelja í Danmörku lengur en í þrjá mánuði.

Ef þú flytur til Danmerkur frá öðru norrænu landi
  • Þú þarft að framvísa vegabréfi eða öðrum skilríkjum hjá borgaraþjónustunni (Borgerservice). Ef þú flytur á höfuðborgarsvæðið og ert ekki danskur ríkisborgari geturðu tilkynnt flutninginn á netinu. Sjá kaflann „Ef þú flytur á höfuðborgarsvæðið“ neðar á síðunni.
  • Þú þarft að gefa upp kennitölu þína í landinu sem þú flytur frá.
  • Þú þarft að gefa upp heimilisfangið sem þú flytur frá.
  • Þú þarft að gefa upp heimilisfang þitt í Danmörku.
  • Þú þarft hafa framvísa hugsanlegum vottorðum um hjúskaparstöðu og börn.

Skráningaryfirvöld í því norræna landi sem þú flytur frá fá sjálfkrafa skilaboð þegar þú hlýtur skráningu í þjóðskrá í Danmörku. Þá verður brottflutningur þinn frá viðkomandi landi skráður.

Í sumum norrænu landanna ber þér einnig að tilkynna viðkomandi yfirvöldum um að þú flytjir frá landinu.

Ef þú flytur til Danmerkur frá landi utan Norðurlanda
  • Þú þarft að framvísa vegabréfi eða öðrum skilríkjum hjá borgaraþjónustunni (Borgerservice). Ef þú flytur á höfuðborgarsvæðið og ert ekki danskur ríkisborgari geturðu tilkynnt flutninginn á netinu (sjá kaflann „Ef þú flytur á höfuðborgarsvæðið“).
  • Þú þarft að gefa upp heimilisfang þitt í Danmörku.
  • Þú þarft hafa framvísa hugsanlegum vottorðum um hjúskaparstöðu og börn.

Ríkisborgarar í ESB- og EES-löndum og Sviss

Ef þú ert ríkisborgari í ESB- eða EES-landi utan Norðurlanda eða Sviss geturðu sótt um skráningu í danska þjóðskrá ef þú hyggst dvelja í landinu lengur en í þrjá mánuði.

Þér er skylt að sækja um skráningu í danska þjóðskrá ef þú hyggst dvelja í landinu lengur en í sex mánuði.

Það sama á við um fjölskyldumeðlimi þína frá þriðja landi sem fellur undir reglur ESB um frjálsa för, aðsetur og þjónustu o.fl. en sem ekki eru ríkisborgarar í ESB- eða EES-landi eða Sviss.

Ef þú flytur til Danmerkur frá öðru norrænu landi
  • Þú þarft að framvísa vegabréfi eða öðrum skilríkjum hjá borgaraþjónustunni (Borgerservice). Ef þú flytur á höfuðborgarsvæðið og ert ekki danskur ríkisborgari geturðu tilkynnt flutninginn á netinu. Sjá kaflann „Ef þú flytur á höfuðborgarsvæðið“ neðar á síðunni.
  • Þú þarft að framvísa ESB-skráningarvottorði. Þú getur sótt um það á vefnum nyidanmark.dk.
  • Þú þarft að gefa upp kennitölu þína í landinu sem þú flytur frá.
  • Þú þarft að gefa upp heimilisfangið sem þú flytur frá.
  • Þú þarft að gefa upp heimilisfang þitt í Danmörku.
  • Þú þarft hafa framvísa hugsanlegum vottorðum um hjúskaparstöðu og börn.

Skráningaryfirvöld í því norræna landi sem þú flytur frá fá sjálfkrafa skilaboð þegar þú hlýtur skráningu í þjóðskrá í Danmörku. Þá verður brottflutningur þinn frá viðkomandi landi skráður.

Í sumum norrænu landanna ber þér einnig að tilkynna viðkomandi yfirvöldum um að þú flytjir frá landinu.

Ef þú flytur til Danmerkur frá landi utan Norðurlanda
  • Þú þarft að framvísa vegabréfi eða öðrum skilríkjum hjá borgaraþjónustunni (Borgerservice). Ef þú flytur á höfuðborgarsvæðið og ert ekki danskur ríkisborgari geturðu tilkynnt flutninginn á netinu. Sjá kaflann „Ef þú flytur á höfuðborgarsvæðið“ neðar á síðunni.
  • Þú þarft að framvísa ESB-skráningarvottorði. Þú getur sótt um það á vefnum nyidanmark.dk.
  • Þú þarft að gefa upp heimilisfang þitt í Danmörku.
  • Þú þarft hafa framvísa hugsanlegum vottorðum um hjúskaparstöðu og börn.

Ríkisborgarar annarra landa

Ef þú ert ríkisborgari í landi utan Norðurlanda, ESB, EES og Sviss og flytur til Danmerkur þarftu að tilkynna flutninginn ef þú hyggst dvelja í landinu lengur en í þrjá mánuði, nema þú sért að flytja frá öðru norrænu landi. Þá þarftu aðeins að tilkynna flutninginn ef þú hyggst dveljast lengur en í sex mánuði.

Dvalarleyfi í Danmörku er skilyrði fyrir því að geta sótt um skráningu í þjóðskrána. Hægt er að sækja um dvalar- og atvinnuleyfi á nyidanmark.dk.

Ef þú flytur til Danmerkur frá öðru norrænu landi
  • Þú þarft að framvísa vegabréfi eða öðrum skilríkjum hjá borgaraþjónustunni (Borgerservice). Ef þú flytur á höfuðborgarsvæðið og ert ekki danskur ríkisborgari geturðu tilkynnt flutninginn á netinu. Sjá kaflann „Ef þú flytur á höfuðborgarsvæðið“ neðar á síðunni.
  • Þú þarft að hafa dvalarleyfi meðferðis.
  • Þú þarft að gefa upp kennitölu þína í landinu sem þú flytur frá.
  • Þú þarft að gefa upp heimilisfangið sem þú flytur frá.
  • Þú þarft að gefa upp heimilisfang þitt í Danmörku.
  • Þú þarft hafa framvísa hugsanlegum vottorðum um hjúskaparstöðu og börn.

Skráningaryfirvöld í því norræna landi sem þú flytur frá fá sjálfkrafa skilaboð þegar þú hlýtur skráningu í þjóðskrá í Danmörku. Þá verður brottflutningur þinn frá viðkomandi landi skráður.

Í sumum norrænu landanna ber þér einnig að tilkynna viðkomandi yfirvöldum um að þú flytjir frá landinu.

Ef þú flytur til Danmerkur frá landi utan Norðurlanda
  • Þú þarft að framvísa vegabréfi eða öðrum skilríkjum hjá borgaraþjónustunni (Borgerservice). Ef þú flytur á höfuðborgarsvæðið og ert ekki danskur ríkisborgari geturðu tilkynnt flutninginn á netinu. Sjá kaflann „Ef þú flytur á höfuðborgarsvæðið“ neðar á síðunni.
  • Þú þarft að hafa dvalarleyfi meðferðis.
  • Þú þarft að gefa upp heimilisfang þitt í Danmörku.
  • Þú þarft hafa framvísa hugsanlegum vottorðum um hjúskaparstöðu og börn.

Ef þú flytur á höfuðborgarsvæðið

Í Kaupmannahöfn og mörgum öðrum sveitarfélögum á höfuðborgarsvæðinu og Sjálandi geturðu tilkynnt flutninginn á netinu ef þú ert ekki danskur ríkisborgari. Þú þarft að fylla út umsóknareyðublað á netinu og mæta svo í eigin persónu í International House, Gyldenløvesgade 11, 1600 København V., þar sem þú færð skráningu í þjóðskrá og færð danska kennitölu.

 

Ef þú flytur frá Danmörku eða Grænlandi til útlanda

Ef þú flytur frá Danmörku eða Grænlandi til annars lands þarftu að tilkynna sveitarfélaginu þínu um brottflutninginn áður en þú flytur, einnig ef þú flytur til annars norræns lands.

Flytjir þú til Noregs, Svíþjóðar, Finnlands, Íslands eða Færeyja þarftu að tilkynna flutninginn til skráningaryfirvalda í viðkomandi landi. Búsetusveitarfélag þitt í Danmörku eða Grænlandi getur ekki skráð flutning þinn úr landi í þjóðskrá fyrr en því hefur borist tilkynning um skráningu þína í þjóðskrá í landinu sem þú flytur til.

Þú þarft að tilkynna brottflutning á borger.dk.

    Kennitala ef ekki er hægt að skrá þig í dönsku þjóðskrána

    Ef þú uppfyllir skilyrði um skráningu í þjóðskrá í Danmörku en þarft að greiða skatt, t.d. ef þú vinnur í Danmörku, geta skattayfirvöld úthlutað þér skattakennitölu.

    Hægt er að sækja um skattkort og skattakennitölu á skat.dk. Ef spurningar vakna er hægt að hafa samband við Skattestyrelsen.

    Samband við yfirvöld
    Spurning til Info Norden

    Ef þú ert með spurningu skaltu fylla út eyðublaðið hérna:

    ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.

    Info Norden er upplýsingaþjónusta Norrænu ráðherranefndarinnar. Við gefum upplýsingar til fólks sem vill flytja, vinna, stunda nám, leita styrkjum eða hefja rekstur í öðru norrænu landi.
    Leitaðu að skrifstofu Info Norden hérna