Atvinnu- og dvalarleyfi á Álandseyjum

Málefni sem varða dvalarleyfi erlendra ríkisborgara hafa verið flutt frá lögregluyfirvöldum Álandseyja yfir á borð útlendingastofnunarinnar Migrationsverket í Finnlandi.

Ríkisborgarar Norðurlanda og ríkisborgarar í ESB- og ESS-löndum

Ríkisborgarar Norðurlandanna eiga rétt á að búa og starfa í öðrum Norðurlöndum án atvinnu- eða dvalarleyfis. Ríkisborgarar annarra ESB-landa, Sviss eða Liechtenstein þurfa ekki heldur að sækja um atvinnu- eða dvalarleyfi.

Hins vegar þarftu að skrá þig hjá yfirvöldum ef þú dvelst lengur en þrjá mánuði í landinu. Ríkisborgarar Norðurlanda skrá sig hjá yfirvöldum á Álandseyjum. Ríkisborgarar annarra ESB-landa, Sviss eða Liechtenstein skrá sig hjá Migrationsverket í Finnlandi. Til að skrá sig þarf að hafa meðferðis gilt vegabréf eða persónuskilríki auk staðfestingar á ráðningu á Álandseyjum.

Ef þú hyggst dvelja lengur en í 12 mánuði á Álandseyjum þarftu einnig að tilkynna um flutning. Nánari upplýsingar um þetta eru hér:

Ríkisborgarar annarra landa

Ríkisborgarar annarra landa en ofangreindra verða að sækja um dvalarleyfi fyrir launþega ef þeir flytja til Álandseyja til að eiga þar atvinnu.

Málefni sem varða dvalarleyfi erlendra ríkisborgara hafa verið flutt frá lögregluyfirvöldum Álandseyja yfir á borð útlendingastofnunarinnar Migrationsverket. Ef þú sækir um dvalarleyfi, ríkisborgararétt, ferðaskilríki eða ESB-skráningu þarftu að skila umsókn eða sýna fram á hver þú ert á einum af þjónustustöðum Migrationsverket.

Ef þú sækir um dvalarleyfi á Álandseyjum

Þjónustufulltrúi Migrationsverket (Migri) heimsækir Álandseyjar á 6 til 7 vikna fresti til að taka við umsóknum. Skrifstofa þessarar heimsóknar er í svæðisskrifstofu Álandseyja. Einstaklingar sem eru á Álandseyjum geta einnig skotið þessum erindum til eins af þjónustustöðum Migrationsverket í Finnlandi. Ekki er hægt að sækja um hæli á skrifstofunni. Þú getur bókað tíma hjá þjónustufulltrúanum fyrir erindið þitt með tímabókunarþjónustu Migrationsverket. Nánari upplýsingar fást hjá sendiráði Finnlands í þínu landi eða hjá Migrationsverket í Finnlandi. Einnig fást nánari upplýsingar í bæklingi vinnumála- og atvinnulífsráðuneytisins um atvinnu í Finnlandi.

Umsókn um dvalarleyfi samkvæmt samningi um útgöngu Bretlands úr ESB (Brexit)

Ef þú sækir um dvalarleyfi samkvæmt samningi um útgöngu Bretlands úr ESB (Brexit) skaltu athuga þessa vefsíðu þegar Migrationsverket hefur uppfært leiðbeiningar og upplýsingar sínar um Brexit.