Tilnefnið til umhverfisverðlauna Norðurlandaráðs 2020
Hasselmusa finnes i store deler av Europa. I Danmark og Sverige lever den i avgrensende områder og er fredet. Hasselmusa er en av cirka 60.000 nordiske arter. Vi vil gjerne beholde dem alle sammen.
Svefnmýs eru útbreiddar í Evrópu. Í Danmörku og Svíþjóð lifa þær á afmörkuðum svæðum og eru friðaðar. Svefnmús er ein af um það bil 60.000 norrænum tegundum. Helst viljum við varðveita þær allar.
Umhverfisverðlaun Norðurlandaráðs hafa verið veitt síðan 1995. Þema verðlaunanna er breytilegt milli ára. Árið 2020 snýst það um að gæta að líffræðilegri fjölbreytni.
Umhverfisverðlaunum Norðurlandaráðs er ætlað að styrkja nýskapandi verkefni sem horfa til framtíðar og tryggja auðugri náttúru fyrir sameiginlega framtíð okkar. Með verðlaununum í ár er lögð áhersla á líffræðilega fjölbreytni sem uppsprettu velferðar og grundvöll fyrir lífi okkar.
Samkvæmt Náttúruvísindanefnd Sameinuðu þjóðanna (IPBES) hefur missir líffræðilegrar fjölbreytni í vistkerfum náttúrunnar aldrei verið meiri. Rányrkja á náttúrunni ógnar einnig velferð okkar.
Svæði sem eru rík af tegundum og náttúruleg búsvæði eru betur í stakk búin til þess að aðlagast loftslagsbreytingum. Margar og mismunandi frjóvgunarleiðir eru mikilvæg forsenda matvælaframleiðslu. Líffræðileg fjölbreytni í umhverfi okkar er góð fyrir heilsuna.
Náttúra Norðurlandanna er fögur og við eigum langa hefð fyrir því að vernda hana. En með hnattrænni hlýnun og fækkun tegunda nægir framlag okkar nú ekki til þess að standa vörð um líffræðilega fjölbreytni. Bæði náttúrulegt umhverfi og byggð svæði þurfa nýskapandi og skilvirkar lausnir til þess að auka fjölbreytni gena, tegunda, búsvæða og jafnvel ný vistkerfi þar sem þess gerist þörf.
Þema umhverfisverðlaunanna í ár endurspeglar og styður við 14. og 15. heimsmarkmið Sameinuðu þjóðanna um líf í hafi og á landi
Frestur til 13. maí
Allir geta tilnefnt. Tilnefningarfrestur er til miðvikudagsins 13. maí. Hin tilnefndu geta verið norræn fyrirtæki, samtök eða einstaklingar sem starfa á Norðurlöndum og/eða í tengslum við aðila utan Norðurlanda. Frumkvæði hins tilnefnda verður að hafa norrænt sjónarhorn.
Tilkynnt verður um verðlaunahafann í Reykjavík 27. október 2020 á þingi Norðurlandaráðs á Íslandi.
