Neyðarviðbúnaður, heimsfaraldurinn og unga fólkið í brennidepli á haustþingi Norðurlandaráðs

Allt Norðurlandaráð mun koma saman á sameiginlegum fundi og eiga pallborðsumræður í tengslum við septemberfundina 6. og 7. september undir yfirskriftinni „Andleg vanlíðan ungs fólks á Norðurlöndum - afleiðingar farsóttarinnar“. Á meðal þátttakenda verða Lena Hallengren, félagsmálaráðherra Svíþjóðar, ásamt Bente Stein Mathisen, formanni Norrænu velferðarnefndarinnar, og Ninu Sandberg, varaformanni nefndarinnar.

Viðburðinum verður streymt á netinu (tengill hér að neðan).

Auk þess verða hin ýmsu viðfangsefni til umfjöllunar á septemberfundunum. Forsætisnefndin mun til dæmis fjalla um ýmsar spurningar í tengslum við neyðarviðbúnað, meðal annars tillögu um norrænar neyðarbirgðageymslur, öryggi á Norðurlöndum gegn netárásum og að koma á fót samráði forsætisráðherranna og viðbúnaðarnefnd.

Hér má horfa á útsendinguna frá kl. 14 að íslenskum tíma 6. september:

Norræna sjálfbærninefndin mun meðal annars ræða um Svansmerkingu á umbúðum og tillögu um norrænt loftlagsbandalag, hagvaxtarnefndin mun fjalla um málefni á borð við sjálfbærara námuvinnslu og lífeldsneyti fyrir flugför, norræna velferðarnefndin fjallar meðal annars um mótefnaframleiðslu á Norðurlöndum og lista- og menningarnefndin tekur til umfjöllunar tillögu um aukna kennslu nágrannatungumála í skólum.

Flokkahóparnir munu funda á fyrsta degi septemberfundanna og þann dag verður sameiginlegi fundurinn einnig haldinn. Annan daginn funda forsætisnefnd og nefndirnar.

Septemberfundirnir áttu upphaflega að fara fram í sænska þinghúsinu í Stokkhólmi en vegna heimsfaraldrinum fara þeir nú fram með fjarfundabúnaði annað árið í röð.