Samið við Hong Kong um skattaupplýsingar
Síðan 2007 hefur fjöldi samninga verið gerður við fjármálamiðstöðvar víða um heim, sem liður í einstöku norrænu verkefni. Samningurinn við Hong Kong, sem er sá fertugasti og fjórði í röðinni, var undirritaður í íslenska sendiráðinu í París og gerir skattayfirvöldum á Norðurlöndunum og í Hong Kong kleift að afla sér upplýsinga um skattamál fyrirtækja og einstaklinga.
Fyrri samningar sem norrænu ríkin, auk Álandseyja, Færeyja og Grænlands, hafa gert við fjármálamiðstöð í Hong Kong eru fallnir úr gildi. Nýja samningnum tengist einnig fyrirhugaður tvísköttunarsamningur milli Finnlands og Hong Kong, sem mun innihalda ákvæði um upplýsingaskipti, og eru þær viðræður vel á veg komnar.
Í samningi Norðurlandanna og Hong Kong, Kína felst skuldbinding hlutaðeigandi ríkja til að mæta kröfum sem settar voru fram á Global Forum um að auka gagnsæi og upplýsingaskipti í skattamálum og beita sér gegn skattaundanskotum á heimsvísu.
Vegna ákvæða í stjórnarskrám er samningurinn tvíhliða og mun taka gildi þegar þjóðþing landanna hafa staðfest hann.