Fyrirtæki í Danmörku

Ef þú ætlar að stofna fyrirtæki í Danmörku finnurðu gagnlega tengla á þessari síðu. Neðst á síðunni eru einnig upplýsingar fyrir dönsk fyrirtæki sem vilja hefja rekstur í öðrum norrænum löndum eða stunda viðskipti við þau.

Á evrópsku vefgáttinni Your Europe geturðu kynnt þér reglur um stofnun fyrirtækis í öðrum ESB-/EES-löndum. Samstarfsnetið Enterprise Europe Network veitir svör við spurningum varðandi ESB og Evrópumarkað.

Ýmsar opinberar stofnanir veita upplýsingar varðandi stofnun fyrirtækis, mannaráðningar og fyrirtækjarekstur í Danmörku. Þar færðu nákvæmar upplýsingar um hvernig þú undirbýrð atvinnurekstur, velur félagaform, velur firmaheiti, vinnur viðskiptaáætlun og skráir fyrirtækið.

• Virksomhedsguiden er safn upplýsinga og leiðbeininga um stofnun, rekstur og þróun fyrirtækja. Virksomhedsguiden auðveldar athafnafólki og fyrirtækjum að átta sig á lögum og reglugerðum hjá mismunandi yfirvöldum og fá aðstoð í atvinnukerfinu, þar á meðal hjá sveitarfélögum og svæðum. Virksomhedsguiden er rekin af Erhvervsstyrelsen. 
• Á heimasíðu Erhvervsstyrelsen er m.a. að finna upplýsingar um skráningu fyrirtækja í Danmörku.
• Virk.dk er stafræn gátt fyrirtækja að hinu opinbera. Þar er hægt að skrá fyrirtæki sitt í Danmörku og nálgast sjálfsagreiðslugáttir hjá hinu opinbera. Þar er meðal annars að finna upplýsingar um félagsleg gjöld sem vinnuveitendum ber að greiða undir „samlet betaling“. Einnig geturðu lesið um hvort skrá þurfi fyrirtækið í skrá yfir erlenda þjónustuaðila, Registret for Udenlandske Tjenesteydere (RUT).
• Upplýsingar á ensku sem varða fyrirtækjarekstur í Danmörku er að finna á síðunum Business in Denmark á vef Erhvervsstyrelsen.
• Á skat.dk er að finna upplýsingar um skatt og virðisaukaskatt.
• Á jobnet.dk er hægt að leita að og auglýsa eftir starfsfólki.
• Á síðum Info Norden er að finna upplýsingar um hvaða starfsgreinar eru löggiltar í Danmörku og krefjast því starfsleyfis.
• Ef fyrirtæki þitt hyggst hefja rekstur á Eyrarsundssvæðinu geturðu haft samband við ØresundDirekt Business.

Dönsk fyrirtæki sem hyggja á útrás eða viðskipti við útlönd geta fengið aðstoð hjá Eksportrådet eða Erhvervsstyrelsen. Ef fyrirtæki þitt hyggst hefja rekstur á Eyrarsundssvæðinu geturðu haft samband við ØresundDirekt Business.