Atvinnu- og dvalarleyfi á Íslandi

Norrænir ríkisborgarar

Norrænir ríkisborgarar þurfa hvorki að hafa atvinnu- né dvalarleyfi til þess að geta búið og starfað á Norðurlöndum. Þeim er þó skylt að fara eftir reglum viðkomandi ríkis um skráningu í þjóðskrá. 

Ríkisborgarar ESB- og EES- ríkja

Ríkisborgarar landa innan EES-svæðisins geta dvalið á Íslandi án sérstaks leyfis í allt að þrjá mánuði frá komu til landsins.  Sé viðkomandi í atvinnuleit getur hann dvalið á Íslandi í allt að sex mánuði.  Eftir þann tíma bera að skrá sig hjá Þjóðskrá.

Ríkisborgarar frá öðrum heimshlutum

Ríkisborgarar utan EES sem vilja flytja til Íslands til að vinna þar þurfa að fá atvinnuleyfi. Eins þurfa þeir dvalarleyfi til þess að geta dvalist löglega á Íslandi. Dvalarleyfin eru flokkuð eftir ástæðu dvalarinnar.

Dvalar- og atvinnuleyfi sem er gefið út á Íslandi gildir ekki sem dvalar- og atvinnuleyfi í öðrum löndum. Dvalar- og atvinnuleyfi í öðrum löndum gilda auk þess ekki sem dvalar- og atvinnuleyfi á Íslandi. 

Útlendingastofnun sér um úthlutun dvalarleyfa og vegabréfsáritana á Íslandi. Umsóknum ber að skila til útlendingastofnunar á höfuðborgasvæðinu, en á landsbyggðinni er það sýslumaður í viðkomandi umdæmi sem fjallar um þessi mál.

Dvalarleyfi fyrir börn er veitt í þeim tilgangi að börn geti sameinast foreldrum sínum hér á landi. Skilyrði er að barnið sé yngra en 18 ára og í forsjá þess foreldris sem það sækir um sameiningu við.

Dvalarleyfi fyrir maka er fyrir einstakling sem ætlar að flytja til Íslands til að búa með maka sínum hér á landi. Leyfið má veita á grundvelli hjónabands eða sambúðar.

Frekari upplýsingar um dvalar– og atvinnuleyfi á Íslandi má fá hjá Útlendingastofnun og hjá Fjölmenningarsetri.