Þessir listamenn eru tilnefndir til tónlistarverðlauna Norðurlandaráðs 2022
Tilnefningarnar þetta árið spanna breitt svið tónlistastefna á borð við heimstónlist, óperu, raftónlist og alþýðutónlist. Röddin er í fókus í verkum sem samin eru fyrir kóra, sönghópa, einsöngvara og óperur og á meðal þema eru framtíð mannkyns, hamingjan og angurværð. Verkin eru allt frá að vera hefðbundin til tilraunatónlistar og einnig tilraunir með hefðbundna tónlist.
Hér eru tilnefningarnar:
Danmörk
Finnland
Færeyjar
Grænland
Ísland
Noregi
Svíþjóð
Dómnefnd skipuð fulltrúum frá löndunum tilnefndi verkin tólf til tónlistarverðlauna Norðurlandaráðs.
Verðlaunin verða afhent þann 1. nóvember
Handhafi tónlistarverðlauna Norðurlandaráðs 2022 verður kynntur um leið og handhafar annarra verðlauna Norðurlandaráðs þann 1. nóvember í Helsingfors í tengslum við þing Norðurlandaráðs. Verðlaunahafinn hlýtur að launum verðlaunagripinn Norðurljós og 300 þúsund danskar krónur.
Um tónlistarverðlaun Norðurlandaráðs
Tónlistarverðlaun Norðurlandaráðs voru veitt í fyrsta sinn árið 1965. Þeim er ætlað að vekja athygli á tónlistarsköpun og tónlistarflutningi sem telst hafa mikið listrænt gildi. Verðlaunin eru til skiptis veitt annars vegar núlifandi tónskáldi og hins vegar tónlistarhópi eða -flytjanda. Í ár renna verðlaunin til tónskálds.
Um verðlaun Norðurlandaráðs
Norðurlandaráð veitir fimm verðlaun ár hvert: bókmenntaverðlaun, kvikmyndaverðlaun, tónlistarverðlaun, umhverfisverðlaun og barna- og unglingabókmenntaverðlaun. Markmiðið með verðlaunum Norðurlandaráðs er að vekja athygli á verkefnum sem skarað hafa fram úr á sviði lista eða umhverfismála og að auka áhuga á norrænu menningarsamfélagi og samstarfi um umhverfismál.
