Norðurlönd og Eystrasaltsríkin vænlegt svæði til að prófa 5G-tækni
Stefan Löfven taler til statsministrenes pressekonference, Nordisk Råds Session 2018
Með framkvæmdaáætluninni er fylgt eftir yfirlýsingu forsætisráðherranna frá seinasta fundi þeirra í sænska bænum Örnsköldsvik þann 23. maí. Skilaboðin voru skýr og metnaðarfull: Norrænu löndin eiga að vera í fararbroddi í þróun og notkun á 5G-tækni og svæðið á að verða leiðandi á heimsvísu á sviði 5G-farsímanets.
„Norrænu löndin eiga möguleika á að vera í fararbroddi þegar næsta kynslóð farsímatækni verður kynnt,“ segir forsætisráðherra Svíþjóðar, Stefan Löfven.
Norrænu löndin eiga möguleika á að vera í fararbroddi þegar næsta kynslóð farsímatækni verður kynnt
Framkvæmdaáætlunin inniheldur fyrst og fremst tillögur að aðgerðum sem ætlað er að tryggja svæðisbundna samræmingu á tíðni og tíðnisviði fyrir prófanir og notkun á 5G-tækni, þvert á landamæri. Starfið mun fara fram í nánu samráði yfirvalda, fjarskiptafyrirtækja og atvinnulífsins. Á árunum 2019 og 2020 verða haldnir fundir með sérfræðingum og fulltrúum fjarskiptafyrirtækja auk annarra aðila atvinnulífsins. Einnig verður þess gætt að samræma starfið við evrópskt samstarf á sviði 5G-tækni.
Við eigum að nýta styrkleika okkar
Í hinni framsæknu áætlun er að finna skýr markmið sem ætlar er að styðja við svæðisbundið samstarf um þróun og prófun stafrænna og sjálfbærra tæknilausna sem byggja á 5G-tækni. Markhópurinn er tilteknar atvinnugreinar á Norðurlöndum og í Eystrasaltsríkjunum sem eru leiðandi á heimsvísu og búa yfir háþróuðu prófunarumhverfi Þetta á til dæmis við um þróun á tækni til að sinna eftirliti og auka skilvirkni í flutningageira, tækniþróun orkunets, á umhverfissviði og til þess að styðja við velferð og heilbrigðisþjónustu í öllum landshlutum. Helstu verkefni snúa að því að kortleggja nýsköpunar- og prófunarumhverfi í norrænu löndunum og Eystrasaltsríkjunum, skilgreina svæðisbundnar tæknilausnir sem byggja á 5G-tækni og efla samstarf um og kynningu á prófunarumhverfi í löndunum. Framkvæmdastjóri Norrænu ráðherranefndarinnar, Dagfinn Høybråten, kynnti framkvæmdaáætlunina fyrir forsætisráðherrunum.
„Norðurlöndin eru lítið svæði, en í sameiningu getum við skipað okkur sess á hnattrænum markaði og laðað að fjárfesta frá öðrum löndum. Ef við eigum að verða leiðandi í 5G-tækni á heimsvísu verður að tryggja að við búum yfir háþróaðri tilraunaaðstöðu og nýsköpunarumhverfi. Samstarf gerir okkur kleift að nýta styrkleika hvert annars,“ segir Høybråten.
Ef við eigum að verða leiðandi í 5G-tækni á heimsvísu verður að tryggja að við búum yfir háþróaðri tilraunaaðstöðu og nýsköpunarumhverfi. Samstarf gerir okkur kleift að nýta styrkleika hvert annars.
