Atvinnu- og dvalarleyfi í Færeyjum

Norrænum ríkisborgurum er frjálst að ferðast til Færeyja til dvalar, náms og starfa. Þú þarft hvorki vegabréfsáritun, atvinnuleyfi né dvalarleyfi.

Norrænir ríkisborgarar geta ferðast til Færeyja án þess að vera með vegabréf. Norrænn ríkisborgari í Færeyjum verður þó að geta gert grein fyrir sér ef þörf krefur. Til þess getur til dæmis komið ef viðkomandi hyggst gista á hóteli. Ökuskírteini eða greiðslukort nægir í slíkum tilvikum.

Ef þú ert hins vegar frá landi utan Norðurlandanna þarftu að vera með atvinnu- og dvalarleyfi til þess að starfa í Færeyjum.

Færeyjar eru ekki aðilar að Evrópusambandinu (ESB) og þess vegna eiga ESB-reglur um frjálsa för ekki við um Færeyjar.

Það er á þína ábyrgð að útvega atvinnuleyfi ef þú ert útlendingur.

Sjá leiðbeiningar hjá útlendingastofnuninni í Danmörku um atvinnuleyfi í Færeyjum fyrir útlendinga utan Norðurlandanna.

Útlendingar sem flytjast frá Færeyjum 

Dvalarleyfi getur fallið niður hjá útlendingum ef farið er frá Færeyjum um lengri tíma eða flutt frá færeysku heimilisfangi. Þetta á einnig við þó að þú sért með tímabundið dvalarleyfi.

Falli dvalarleyfið niður er hætta á að þú getir ekki snúið aftur til Færeyja.

Ef þú ert útlendingur og hefur búið löglega í Færeyjum í minna en tvö ár máttu dveljast utan Færeyja allt að sex mánuðum.

Ef þú hefur búið löglega í Færeyjum í meira en tvö ár og ert með dvalarleyfi sem getur orðið varanlegt máttu dvelja utan Færeyja allt að tólf mánuðum.

Ef farið er yfir þessi tímamörk fellur dvalarleyfið niður.

Dvöl erlendis vegna herskyldu eða samfélagsþjónustu sem kemur í stað herskyldu reiknast ekki með.

Litið er á dvöl á Grænlandi eða í Danmörku sem dvöl erlendis.

Hægt er að sækja um undanþágu frá brottfalli dvalarleyfis

fyrir frekari upplýsingar hafðu samband með Útlendingastovan