Einkunnaskalinn á Grænlandi
Notaður er GGS-skali á öllum stigum menntakerfisins, frá grunnskóla til háskaóla.
Hann er sambærilegur við ECTS-skalann:
A samsvarar 12 á danska 7 stiga skalanum.
B samsvarar 10 á danska 7 stiga skalanum.
C samsvarar 7 á danska 7 stiga skalanum.
D samsvarar 4 á danska 7 stiga skalanum.
E samsvarar 2 á danska 7 stiga skalanum.
F samsvarar 0 á danska 7 stiga skalanum.
FX samsvarar -3 á danska 7 stiga skalanum.
Einkunnin E er sú lægsta sem dugar til að standast próf.
Hvernig er skalinn notaður þegar sótt er um háskólanám
Fái maður E eða hærra í öllum greinum í grunnskóla á maður rétt á að hefja nám í framhaldsskóla. Til að að hefja háskólanám þarf að standast framhaldsskólapróf.
Fyrir sumar námsleiðir er krafist ákveðins meðaltals til að fá aðgang. Þá eru einkunnir umreiknaðar í danska 7 stiga skalann. Einnig kunna ákveðnar kröfur að vera gerðar um einkunnir í tilteknum greinum á sumum námsleiðum.
Umreikningur einkunna frá öðrum norrænum löndum
Á heimasíðu danska mennta- og rannsóknaráðuneytisins er hægt að sjá hvernig umreikna má einkunnir samkvæmt öðrum erlendum einkunnaskölum.
Hvert er hægt að snúa sér með spurningar?
Hafðu samband við skólann eða námsyfirvöld ef þú hefur spurningar varðandi einkunnir. Einnig er hægt að fræðast meira á grænlenska námsleiðarvísinum Sunngu eða grænlensku endurmenntunarmiðstöðinni Majoriaq.
Ef þú ert með spurningu eða ef þú hefur rekist á hindrun í norrænu landi skaltu fylla út eyðublað okkar.
ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.
