Helgidagar í Danmörku

Helgidagar eru svo til þeir sömu á öllum Norðurlöndum. Þó þarf að hafa í huga að skírdagur, annar dagur páska og annar í hvítasunnu eru helgidagar í Danmörku, ólíkt því sem er sums staðar á Norðurlöndum. Þjóðhátíðardagurinn, Grundlovsdag, er ekki helgidagur en þá er fánadagur og flestar verslanir eru lokaðar og margir eiga frí.

Helgidagar í Danmörku

Margt fólk á frí á helgidögum en það ræðst af ráðningarkjörum, samningi, starfslýsingu eða samkomulagi. Ef unnið er á helgidegi kunna að gilda sérstakar reglur um laun, álag eða frí á móti vinnu.

• 1. janúar: Nýársdagur
• Mars–apríl: Páskar: Skírdagur, föstudagurinn langi, páskadagur og annar í páskum. Páskadagur getur fyrst verið 22. mars og síðast 25. apríl
• Apríl–júní: Uppstigningardagur. Er 40 dögum eftir páskadag, alltaf á fimmtudegi, getur fyrst verið 30. apríl og síðast 3. júní.
• Maí–júní: Hvítasunnudagur og annar í hvítasunnu. Hvítasunnudagur er sjöundi sunnudagur eftir páska, getur fyrst verið 10. maí og síðast 13. júní
• 25. desember: Jóladagur
• 26. desember: Annar í jólum

Hvenær ber verslunum í Danmörku að hafa lokað?

Smávöruverslanir mega alla jafna ekki hafa opið á helgidögum. Þetta á þó ekki við um allar verslanir. Til dæmis geta smærri matvöruverslanir verið undanþegnar þessu. Einnig skulu verslanir vera lokaðar á eftirfarandi dögum?

• 5. júní: Þjóðhátíðardagurinn
• 24. desember: Aðfangadagur
• 31. desember: Gamlársdagur eftir klukkan 15.00

Frá 1. janúar 2027 breytist löggjöfin varðandi lokun verslana þannig að ákveðnar verslanir í miðbæjum bæja með innan við 16.850 íbúa geta haft opið þótt lög geri ráð fyrir að verslanir séu lokaðar. Ár hvert sker Erhvervsstyrelsen úr um það hvaða bæir falla undir þetta.

Getur verið frí aðra daga en helgidaga?

Sumir dagar geta verið frídagar á vinnustað þínum þótt ekki sé um helgidag að ræða. Það ræðst af samningi þínum, starfslýsingu eða samkomulagi. Oft á það við um þessa daga:

• 1. maí: Alþjóðlegur baráttudagur verkalýðsins
• 5. júní: Þjóðhátíðardagurinn
• 24. desember: Aðfangadagur
• 31. desember: Gamlársdagur

Aðrir hátíðis- og merkisdagar í Danmörku

• Febrúar–mars: Fastelavn, fyrsti dagur í föstu, er á sjöunda sunnudegi fyrir páskadag, getur fyrst verið 1. febrúar og síðast 7. mars
• 2. febrúar:
• 23. mars: Dagur Norðurlanda
• 16. apríl: Afmælisdagur Margrétar Þórhildar II Danadrottningar
• 5. maí: Frelsun Danmerkur
• Annar sunnudagur í maí: Mæðradagurinn í Danmörku, Finnlandi, Færeyjum og á Grænlandi og Íslandi. Í Noregi ber mæðradaginn upp annan sunnudag í febrúar og í Svíþjóð síðasta sunnudaginn í maí.
• 9. maí: Evrópudagurinn
• 26. maí: Afmælisdagur Friðriks 10. Danakonungs
• 5. júní: Feðradagurinn í Danmörku. Í Finnlandi, Íslandi, Noregi og Svíþjóð er haldið upp á daginn annan sunnudag í nóvember.
• 15. júní: Valdimarsdagur
• 15: júní: Sameiningardagurinn
• 23. júní: Jónsmessunótt
• 21. júní: Þjóðhátíðardagur Grænlands. Fáni Grænlands, Erfalasorput, er dreginn að húni
• 29. júlí: Þjóðhátíðardagur Færeyja, Ólavsøka Fáni Færeyja, Merkið, er dreginn að húni
• 5. september: Fánadagur danskra hermanna
• 10. nóvember: Dagurinn fyrir Marteinsmessu

Nánari upplýsingar