Íslenskukennsla á Íslandi

Mennta- og menningarmálaráðuneytið veitir skólum og námskeiðshöldurum styrki til að bjóða upp á nám í íslensku fyrir útlendinga. Það gerir það að verkum að námskeiðsgjöldin eru oft lægri en fyrir námskeið af svipuðu tagi. Að auki veita sum stéttarfélög styrki til íslenskunáms. Það eru ýmsir möguleikar í boði til að læra íslensku á Íslandi, bæði fyrir byrjendur og lengra komna. Flest námskeið eru í boði á höfuðborgarsvæðinu en einnig er íslenskukennsla fyrir útlendinga kennd víða á landsbyggðinni. Einnig má finna íslenskukennslu á netinu meðal annars á síðum:

Fjölmargir aðilar koma að íslenskukennslu, meðal annars tungumálaskólar, stéttarfélög, fræðslu- og símenntunarmiðstöðvar og jafnvel sumir vinnustaðir. Mögulegt er að sjá lista yfir marga þá sem bjóða upp á námskeið á heimasíðu Fjölmenningaseturs.

Íslenskunám á háskólastigi

Íslenska fyrir útlendinga á háskólastigi er kennd á nokkrum stöðum, meðal annars við Háskóla Íslands. Þar er boðið upp á nám í íslensku fyrir útlendinga til BA-prófs. Í öðrum háskólum er oftar en ekki boðið upp á styttri námsleiðir eða námskeið fyrir skiptinema og aðra erlenda nemendur.