Framhaldsskólar í Danmörku
Að loknum grunnskóla velja flestir að hefja nám í annað hvort bóklegan framhaldsskóla (72 prósent) eða starfsmenntaskóla (20 prósent).
Bóklegir framhaldsskólar í Danmörku
Fjórar tegundir bóklegrar framhaldsskólamenntunar eru í boði í Danmörku. Þær eiga það sameiginlegt að veita réttindi til að sækja um nám á háskólastigi. Nánari upplýsingar má nálgast á vefnum Uddannelsesguiden – leiðarvísi um menntakerfið.
Stx er almenn menntun þar sem í boði eru námsgreinar á sviðum hugvísinda, náttúrufræði og félagsvísinda. Aðgangskrafan er grunnskólapróf að loknum 9. bekk. (Skólaskylda er í Danmörku frá bekk 0 upp í 9. bekk en eftir það er 10. bekkur valfrjáls.) Námið tekur þrjú ár, hálfs árs kjarni og tvö og hálft ár samkvæmt námsbraut.
Í verslunarprófinu er áhersla lögð á markaðs- og viðskipamiðað nám út frá alþjóðlegu sjónarhorni. Aðgangskrafan er grunnskólapróf að loknum 9. bekk. (Skólaskylda er í Danmörku frá bekk 0 upp í 9. bekk en eftir það er 10. bekkur valfrjáls.) Námið tekur þrjú ár, hálfs árs kjarni og tvö og hálft ár samkvæmt námsbraut.
Í tækniprófinu er áhersla lögð á tækni og raunvísindi. Aðgangskrafan er grunnskólapróf. Námið tekur þrjú ár, hálfs árs kjarni og tvö og hálft ár samkvæmt námsbraut.
Starfsmenntun blandar saman hagnýtu og bóklegu námi og býr nemandann undir starf eða frekara nám.
Starfsmenntun er fagnám fyrir störf á borð við kælitækni, félags- og heilbrigðisþjónustu, söluaðstoð eða garðyrkju.
Megnið af starfsmenntuninni fer fram hjá fyrirtæki samhliða námi í skóla. Að námi loknu er nemandinn getur nemandinn hafið störf eða haldið í frekara nám, svo sem fagnám á háskólastigi.
Um 100 mismunandi starfsmenntunarleiðir eru færar í Danmörku. Margar þeirra eru teknar með eux. Það þýðir að námið er á framhaldsskólastigi og nemandinn útskrifast því einnig sem stúdent.
Hf er almennt hagnýtt og starfsmiðað framhaldsskólanám. Námið miðar að starfsnámsbrautum á háskólastigi. Hf-próf með viðbótarfögum veitir einnig aðgang að grunnnámi á háskólastigi. Aðgangskrafan er grunnskólapróf að loknum 10. bekk. (Skólaskylda er í Danmörku frá bekk 0 upp í 9. bekk en eftir það er 10. bekkur valfrjáls.) Námið er til tveggja ára og samanstendur bæði af skyldufögum og valfögum innan ákveðinna sviða á borð við heilsu, umhverfismál, kennslufræði eða fjármál.
Í Danmörku eru ýmsir alþjóðlegir menntaskólar. Í alþjóðlegum menntaskólum reknum af einkaaðilum miðast kennslan við að nemendur geti tekið alþjóðlegt próf. Alþjóðleg próf, til dæmis International Baccalaureate (IB), eiga að veita aðgang að háskólanámi í Danmörku. IB er einnig í boði í ýmsum opinberum bóklegum framhaldsskólum.
Ef þú ert frá öðru norrænu landi og vilt fara í danskan bóklegan framhaldsskóla
Norðurlöndin hafa gert með sér samning sem tryggir ungu fólki á Norðurlöndum aðgang að námi á framhaldsskólastigi í öllum löndunum á sömu forsendum og ríkisborgurum viðkomandi lands. Meginreglan er sú að ef þú hefur lokið grunnskólanámi í norrænu landi getirðu farið í bóklegan framhaldsskóla í Danmörku.
Nánari upplýsingar
Ef þú ert með spurningu eða ef þú hefur rekist á hindrun í norrænu landi skaltu fylla út eyðublað okkar.
ATH: Ef spurningin þín varðar afgreiðslu tiltekins máls eða umsóknar eða annarra persónulegra mála skaltu hafa samband við viðkomandi yfirvald.