Lyf og niðurgreiðslur lyfja í Svíþjóð

Sænska ríkið niðurgreiðir lyf og ýmislegt annað sem þú hefur þörf fyrir vegna ákveðinna sjúkdóma. Flest lyfseðilsskyld lyf eru niðurgreidd og niðurgreiðslan sem tryggir að þú verðir ekki fyrir of miklum útgjöldum nefnist „greiðsluþak“.

Niðurgreiðslurnar setja þak yfir mögulegan lyfjakostnað þinn á einu ári.

Samkvæmt ESB-reglum er meginreglan sú að lyfseðlar frá öllum Norðurlöndunum og ESB/EES-löndum eru gjaldgengir í Svíþjóð. Í raun er samt ekki alltaf hægt að kaupa lyf út á erlendan lyfseðil ef ekki er hægt að útvega samskonar lyf. Sum sterk lyf er aldrei hægt að kaupa út á erlendan lyfseðil.

Ef þú veist þegar lyfseðillinn er gefinn út í öðru landi að lyfið verði keypt í Svíþjóð geturðu beðið lækninn um að útlista vandlega innihald og magn virkra efna í lyfinu. Það auðveldar lyfsalanum að finna sambærilegt lyf.

Ef lyfseðillinn er gefinn út annars staðar á Norðurlöndum ber að gera skýrlega grein fyrir formi lyfsins, magni, styrk og skammtastærð til þess að hægt verði að rata á rétta lyfið. Eftirfarandi upplýsingar þurfa að vera á lyfseðlinum til þess að hægt verði að afgreiða hann í Svíþjóð:

Auðkenni sjúklings:

• Nafn og kenninafn (nafnið þarf að stafa, fangamark nægir ekki)
• Fæðingardagur og ár

Gildi lyfseðils kannað:

• Útgáfudagur

Upplýsingar um lækninn sem gaf út lyfseðilinn:

• Nafn og kenninafn (nafnið þarf að stafa, fangamark nægir ekki)
• Starfsréttindi
• Netfang, síma- eða faxnúmer ásamt landsnúmeri
• Heimilisfang læknis og í hvaða landi
• Undirskrift, handskrifuð eða rafræn, eftir því hvernig lyfseðillinn er gefinn út

Auðkenning á lyfinu:

• Algengt heiti eða
• nafn á lyfinu ef um er að ræða líffræðilegt efni eða ef útgefandi lyfseðilsins telur læknisfræðilega þörf á að útskýra hvers vegna láta skuli umrætt lyf af hendi.

Rafrænn lyfseðill er lyfseðill á stafrænu formi. Flestir lyfseðlar í norrænu löndunum eru rafrænir. Stundum eru þeir kallaðir lyfseðlar á netinu eða stafrænir lyfseðlar.

Rafrænir lyfseðlar eru skráðir á lyfseðlanetþjónum landanna og gera það auðveldara að fá lyf afhent þar sem þú getur valið í hvaða apóteki þú vilt sækja lyfið. Auk þess er auðvelt að fylgjast með því hve mörg skipti eru eftir fyrir margnota ávísun.

Ef þú hefur fengið rafrænan lyfseðil frá lækni og þarft að nota hann í öðru norrænu landi eða ESB-ríki skaltu biðja um pappírsútgáfu þar sem ekki er víst að rafrænir lyfseðlar séu í notkun í hinu landinu.

Innflutningur lyfja til Svíþjóðar

Þér er heimilt að taka með þér lyfseðilskyld lyf og lausasölulyf frá ESB-/EES-löndum til Svíþjóðar til eigin nota í magni sem samsvarar heils árs notkun.

Sérstakar reglur gilda um innflutning á lyfjum sem innihalda deyfandi og örvandi efni til Svíþjóðar.

Lyfjavottorð þegar ferðast er til og frá Svíþjóð

Hafðu í huga að þegar þú ferðast til eða frá Svíþjóð þarftu að hafa meðferðist vottorð fyrir þau lyf sem þú hefur meðferðis. Vottorðið er nefnt Schengen-lyfjavottorð og það staðfestir að lyfið sé til notkunar fyrir þig.

Lyfjavottorð gilda bæði fyrir lyf í lausasölu og lyfseðilskyld lyf. Lyfjavottorðið skal notað fyrir ferðalög innan Schengen. Lönd utan Schengen-svæðisins setja sínar eigin reglur um innflutning lyfja. Hafðu samband við sendiráð viðkomandi lands til að fá upplýsingar um hvaða reglur gilda.

Ekki er alltaf þörf á lyfjavottorði en þú berð ábyrgð á því að kanna hvort gerð sé krafa um lyfjavottorði fyrir lyfið þitt á ferðalögum. Ef þú ert ekki viss getur spurt ráða í apóteki um hvort þörf sé á lyfjavottorði fyrir lyfið þitt.

Í Svíþjóð er hægt að panta lyfjavottorð ókeypis í apótekum. Lyfjavottorðið gildir út ferðatímann, en þó að hámarki í 30 daga. Ef þú notar mörg lyf þarf að útbúa vottorð fyrir hvert þeirra.